Şənbə , İyun 6 2020
azfa

Ərdəbil zindanında həbsdə olan bəluç siyasi məhbus Abbas Lisaninin haqlı mövqeyi barədə məktub yazıb

GADTB-nin Mətbuat Mərkəzinə daxil olan məlumata görə, Ərdəbil zindanında həbsdə saxlanılan bəluç siyasi məhbus Məhəmməd Sabir Məlek Rəisi açıq məktub yazaraq Ərdəbil baş prokurorunun siyasi məhbuslara “nəfəs çəkməyin belə haram olduğu” ilə bağlı dediyi təhqiramiz sözlər qarşısında azərbaycanlı siyasi məhbus Abbas Lisaninin qətiyyətli və haqlı mövqeyini açıqlayıb.

Bəluç siyasi məhbus məktubunda yazır ki, mart 29-da Ərdəbilin baş prokuroru Abdulla Təbatəbayinin məntiqsiz və qeyri-hüquqi sözlərlə siyasi məhbusların ölüm fitvasını verdiyi zaman azərbaycanlı milli-mədəni fəal Abbas Lisaninin sərt, qətiyyətli və məntiqli reaksiya vermişdir. Belə haqlı etiraz qarşısında prokuror sürətlə vicdan məhbuslarının saxlandığı 7-ci bölməni tərk etdi.

O həmçinin yazıb ki, həmin zaman başqa kameradan görüş keçirən Ərdəbil Ədliyyə İdarəsinin rəisi Nasir Ətəbati də Abbas Lisaninin qətiyyətli və haqlı səsini eşidir və həmin bölməyə gəlir. Lakin o da, azərbaycanlı mübarizin haqlı sözləri və irəli sürdüyü hüquqi suallar qarşısında aciz qalaraq qızarmış vəziyyətdə bölməni tərk edir.

Məhəmməd Sabir Məlek Rəisi bu sözlərdən sonra zindanın daxilində və xaricində Abbas Lisaniyə qarşı mənfi təbliğat aparıldığını, bəzilərin qara yaxmağa başlayaraq, insanlıq və şərəfi ayaq altına aldığını yazıb.

O bu məktubu yazmaqdan məqsədinin baş verənlərə aydınlıq gətirmək olduğunu bildirib.

Qeyd edək ki, bir müddət əvvəl Abdulla Təbatəbayi koronavirusun yayılması ilə bağlı məhbusların zaminə buraxılması ilə əlaqədar Ərdəbil zindanında olduğu zaman bəluç siyasi məhbusa “təhlükəsizlik və siyasi ittihamlara görə həbs edilən məhbusların nəfəs çəkməsinin haram olduğunu” demişdi. Bu qanunsuz söz isə tanınmış azərbaycanlı fəal Abbas Lisaninin kəskin etirazına səbəb olmuşdu.

Həmçinin yoxlayın

Türkiyənin dəstəklədiyi Liviya ordusu uğurla irəliləyir

GADTB-nin Mətbuat Mərkəzinə daxil olan məlumata görə, Türkiyənin dəstəklədiyi Liviyada hökumət qüvvələri Sirt şəhərinin qərbindəki …

Qorqud adının yayıldığı sahələr və yaşayan “Dədə Qorqud hekayələri”

Qorqud adının yayıldığı sahələr və yaşayan “Dədə Qorqud hekayələri” GADTB: Məhərrəm Ergin (1925-1995)  – Türkoloq …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir