GADTB-nin Mətbuat Mərkəzinə daxil olan məlumata görə, ABŞ BMT-nin Beynəlxalq Məhkəməsində İran adlanan ölkənin Vaşinqtonun sanksiyalarını ləğv etməsinə dair qaldırdığı işlə bağlı özünü qəti şəkildə müdafiə edəcək.
Bunu ABŞ Dövlət katibi Mayk Pompeo deyib.
Mayk Pompeo deyib: “İranın Beynəlxalq Məhkəmədə qaldırdığı vəsatət ABŞ-ın qanuni addımlar atmaq, öz milli təhlükəsizliyinin müdafiəsi üçün gərəkli olan sanksiyaları yeniləmək haqqına müdaxilə cəhdidir. İran Beynəlxalq Məhkəmədən sui-istifadə etmək niyyətindədir. ABŞ İranla nüvə razılaşmasından sadə bir səbəbə görə çıxdı. Belə ki, bu razılaşma ABŞ xalqının təhlükəsizliyinə İran liderləri tərəfindən yaradılan risklərlə bağlı heç bir zəmanət vermirdi”.