Cümə axşamı , Mart 28 2024
azfa

ABŞ uyğur türklərinin təqib edilməsinə görə çin təşkilatlarına sanksiya tətbiq edib

GADTB-nin Mətbuat Mərkəzinə daxil olan məlumata görə, ABŞ hökuməti hesab edir ki, sanksiyaya məruz qalan təşkilatlar Çində insan hüquqlarının pozulmasında, həmçinin uyğurların və müsəlman azlığın digər nümayəndələrinin kütləvi həbsində iştirak edir.

ABŞ ticarət nazirliyi ŞərqiTürküstan-Uyğur Muxtar Rayonunda müsəlman azlıqların hüquqlarının pozulmasına görə Çinin 28 təşkilatını sanksiya siyahısına daxil edib. Müvafiq sənəd ABŞ Federal Reyestrinin saytında dərc edilib.

ABŞ hökuməti bu qurumları Vaşinqtinun xarici siyasi maraqlarına zidd fəalliyyətlə məşğul olan təşkilatlar kimi müəyyənləşdirib. “Bu təşkilatlar insan hüquqlarının pozulması, yüksək texnoloji nəzarət və Şərqi Türküstanda uyğurlar, qazaxlar və müsəlman azlığının başqa nümayəndələrinə qarşı keçirdiyi kütləvi həbslərə cəlb ediliblər”, – sənəddə deyilir.

Ötən il “The New York Times” yazıb ki, prezident Donald Tramp (Donald Trump) administrasiyası Çində müsəlman azlıqların hüquqlarının pozulması səbəbilə sanksiyaların tətbiq edilməsi məsələsini nəzərdən keçirir. Uyğurları izləmək üçün istifadə edilən Amerika istehsalı olan videomüşahidə texnologiyalarının Çinə satışının qadağan edilməsi planlaşdırılıb.

BMT Ali Komissarlığının məlumatına əsasən, Çində milli azlıqların ideoloji islahı üçün nəzərdə tutulan düşərgələrdə 1 milyona yaxın uyğur saxlanılır.

SUMR-da məskunlaşan uyğurlar türk xalqıdır, onlar əsasən islam dininə ibadət edirlər. Uyğurların sonuncu üsyanları Çin hökuməti tərəfindən 2008-ci və 2009-cu illərdə yatırıb.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın