Cümə axşamı , May 23 2019
azfa

Azərbaycanın “Azerspace-2” peyki kommersiya fəaliyyətinə başlayıb

GADTB-nin Mətbuat Mərkəzinin əldə etdiyi məlumata görə, “Azərkosmos” ASC-dən bildiriblər ki, artıq Azərbaycanın “Azerspace-2” peyki bu gündən etibarən kommersiya fəaliyyətinə başlayıb.

Məlumata görə, “Azerspace-2” peyki Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələrini əhatə edir. Peyk əhatə zonasına daxil olan ölkələrdə dövlət və özəl sektora yüksək keyfiyyətli telekommunikasiya xidmətləri göstərəcək.

“Azerspace-2” kommersiya fəaliyyətinə başlamaqla “Azərkosmos”un yüksək rəqabətli peyk xidmətləri bazarındakı xidmət çeşidini artıracaq və mövqeyini daha da gücləndirəcək.

Hazırda peykin tutumlarının satışı ilə əlaqədar əhatə zonasına daxil olan ölkələrdə potensial müştərilərlə aktiv biznes danışıqları aparılır. “Azərkosmos” ASC ilə ABŞ, Pakistan və peykin əhatə zonasına daxil olan ölkələrin bir sıra şirkətləri arasında peykin xidmətlərindən istifadəyə dair ilkin razılaşma sazişləri imzalanıb.

İlk kommersiya fəaliyyətinə başladığı il olmasına baxmayaraq “Azerspace-2” peykinin 2019-cu il ərzində tutumlarınn istifadəsindən 16,5 milyon ABŞ dolları gəlir əldə ediləcəyi proqnozlaşdırılır.

“Azerspace-2” peyki “Space Systems/Loral” (SSL) şirkəti tərəfindən yüksək etibarlı “SSL 1300” peyk platforması əsasında istehsal olunub. Müasir elekrik mühərrikləri ilə təchiz olunmuş “Azerspace-2” peykinin orbitdə yanacaq ömrü minimum 20 il təşkil edəcək.

Xatırladaq ki, “Azerspace-2” ötən il 26 sentyabr tarixində Kuru kosmodromundan orbitə buraxılıb.

Həmçinin yoxlayın

Azərbaycan mədənlərinin fars şəhərlərinə talanıb daşınması sürətlənib

GADTB-nin Mətbuat Mərkəzinə daxil olan məlumata görə, irqçi fars rejim müstəmləkə siyasəti ilə Güney Azərbaycanın …

Tanınmış azərbaycanlı milli fəal Əziz Purvəli dünyasını dəyişib

GADTB-nin Mətbuat Mərkəzinə daxil olan məlumata görə, tanınmış azərbaycanlı milli-mədəni fəal Əziz Purvəli bu gün …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir