Çərşənbə axşamı , Yanvar 21 2020
azfa

Azərbaycanlı fəal Mehrdad Şeyxi ETTELAAT-ın təcridxanasında saxlandığını xəbər verib

GADTB-nin Mətbuat Mərkəzinə daxil olan məlumata görə, irqçi fars rejimin məhkəmədən oğurladığı azərbaycanlı milli-mədəni fəal Mehrdad Şeyxi ailəsi ilə qısa telefon əlaqəsində Ərdəbil irqçi fars rejimin ETTELAAT İdarəsinin təcridxanasında saxlandığını xəbər verib.

Məhkəmədən oğurlanaraq yoxa çıxmış azərbaycanlı fəal yanvarın 13-də ailəsi ilə qısa telefon əlaqəsi saxlayaraq rejimin ETTELAAT İdarəsinin təcridxanasına aparıldığını bildirib. O ailəsinə tapşırıb ki, şəxsi avtomobilini təhvil almaq üçün Ərdəbilin Zərnas şəhərciyində yerləşən məhkəmə orqanına müraciət etsinlər.

Mehrdad Şeyxinin ailəsi onun saxlanmasının səbəbini soruşub. Lakin məmurlar ona telefonda cavab verməyinə imkan verməyib, telefon əlaqəsini kəsiblər. Fəalın nə səbəbdən saxlandığı məlum deyil.

Qeyd edək ki, Ərdəbil sakini olan fəal yanvarın 8-də hakim Məhdəvinin sədrliyi ilə keçirilən məhkəmə prosesində iştirak etmək üçün irqçi fars rejimin Ərdəbildə yerləşən İnqilab Məhkəməsinin 2-ci şöbəsinə müraciət edib. Lakin məhkəmə başa çatdıqdan sonra fəal rejimin məmurları tərəfindən oğurlanmışdır.

Fəalın ailəsi əlaqədar qurumlara Mehrdad Şeyxinin harada olması ilə bağlı müraciətlərinə də cavab verilməmişdir.

Azərbaycanlı fəal Mehrdad Şeyxi 2019-cu il noyabrın 20-də Ərdəbildə atasının evində rejimin təhlükəsizlik qüvvələri tərəfindən yaxalanmışdı. O 11 gün rejimin ETTELAAT İdarəsinin təcridxanasında saxlandıqdan sonra 30 milyon tümənlik mülki vəsiqə qarşılığında zaminə buraxılmışdı.

Həmçinin yoxlayın

İrqçi fars rejim Dünya Ana Dili Günü mərasiminə qatılan azərbaycanlı fəalları həbs və sürgünə məkum etdi

GADTB-nin Mətbuat Mərkəzinə daxil olan məlumata görə, irqçi fars rejimin Tehranda yerləşən Apellyasiya Məhkəməsinin 54-cü …

Sidneydə Avstraliya Azərbaycan Asosiyası və GADTB 20 Yanvar anım tədbiri keçirdilər-Video

GADTB-nin Mətbuat Mərkəzinə daxil olan məlumata görə, bu gün yanvar ayının 20-də Avstraliyanın Sidney şəhərində …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir