Cümə axşamı , Mart 28 2024
azfa

Azərbaycanlı fəallar Yusif Sələhşur və Davud Mahmudi zaminə buraxıldı

GADTB-nin Mətbuat Mərkəzinə daxil olan məlumata görə, dünən 2019-cu il mayın 12-də azərbaycanlı fəallar Yusif Sələşur və Davud Mahmudi 80 milyonluq mülki vəsiqə qarşılığında rejimin Təbrizdə yerləşən zindanından zaminə buraxılıb.

Qeyd edək ki, azərbaycanlı fəalların məhkəmə iclası mayın 8-də rejimin Təbrizdə yerləşən İnqilab Məhkəməsinin 12-ci şöbəsində keçirilib. Rejim onların şərləyərək, “ümumi nizam-intizamı pozmaq və təhlükəsizlik qüvvələri ilə qarşıdurma yaratmaq”da ittiham edib.

Rejimin təhlükəsizlik orqanlarının təzyiqi ilə əvvəlcə çıxarılan 50 milyon tümənlik mülki vəsiqə qərarı 80 milyon tümənlik vəsiqəyə dəyişdirilib. Bundan sonra fəallar rejimin Təbrizdə yerləşən zindanının qarantin bölməsinə salınmışdılar.

Həmin fəallar bir neçə digər fəalla birlikdə martın 1-də Təbrizdə “Traxtur” futbol komandasının yarışından sonra rejimin təhlükəsizlik qüvvələri tərəfindən yaxalanmışdılar. Buna səbəb işğalçı Ermənistanın baş naziri Nikol Paşinyanın Xocalı soyqırımının ildönümündə Tehrana səfəri və ermənilərlə görüşü zamanı “Qarabağ bizimdir, vəssalam” plakatının qaldırılmasına edilən etirazlar olmuşdur.

Həmçinin yoxlayın

Urmiya bələdiyyəsi voleybol üzrə Premyer Liqanın final mərhələsinə yüksəlmək ərəfəsindədir

GADTB-nin Mətbuat Mərkəzinə daxil lan məlumata görə,Urmiya Bələdiyyəsinin voleybol komandası bu axşam Premyer Voleybol Liqasının …

Molla rejimin Urmiya gölününü qurutması nəticəsində Urmiya şəhərini duz fırtınası bürüyüb

GADTB: Molla rejimin Urmiya gölününü qurutması nəticəsində Urmiya şəhərini duz fırtınası bürüyüb. Güclü külək Urmiya …

Bir cavab yazın