Azərbaycanlı milli fəal Məryəm Xudayinin təntənəli dəfn mərasimi keçirildi

GADTB-nin Mətbuat Mərkəzinə daxil olan məlumata görə, Güney Azərbaycanın Marağa şəhərində azərbaycanlı milli fəal və sənətçi Məryəm Xudayinin (Sanaz Marağalı) dəfn mərasimi keçirilib.

Mərhumla yanvarın 22-də Gülşən Zəhra Qəbiristanlığında azərbaycanlı milli fəallar və əhalinin iştirakı ilə vidalaşma mərasimi keçirilib.

Qeyd edək ki, Məryəm Xudayi (Sanaz Marağalı) həyat yoldaşı Behrad Turman ilə birlikdə illər öncə Tehran rejiminin tzəyiqləri üzündən Türkiyədə siyasi mühacir kimi yaşayırdı.

Azərbaycanlı ailə 4 gün öncə Mərsin şəhərində şəxsi motosikletləri ilə gedərkən qəzaya düşüblər. Məryəm Xudayi hadisə yerində dünyasını dəyişib. B.Turman isə ağır yaralanıb. O, hazırda Mərsin xəstəxanasında cərrahiyə əməliyyatından sonra nəzarətdə saxlanılır. Qəza siyasi mahiyyət daşıdığı və şübhəli olduğu üçün Türkiyə polisi tərəfindən araşdırılır və hadisəni törədən sürücü dindirilir.

Tehran rejimi bundan öncə isə bir neçə siyasi fəalı Türkiyə və Azərbaycan Respublikasında təhdid edib.

Həmçinin yoxlayın

Türk ordusu Zap və Haftanin bölgələrində PKK terrorçularını məhv etdi

GADTB-nin Mətbuat Mərkəzinə daxil olan məlumata görə, Türkiyə Milli Müdafiə Nazirliyinin “twitter” hesabından edilən şərhdə …

Urmiya gölündə suyun həcmi azalmaqdadır

GADTB-nin Mətbuat Mərkəzinə daxil olan məlumata görə, Urmiya gölündə suyun həcmi azalmaqda davam edir. Urmiya …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir