Cümə axşamı , Fevral 20 2020
azfa

Azərbaycanlıların etirazından sonra Urmiyanın millət vəkili də Tehranda Azərbaycana qarşı təxribatı pislədi

GADTB-nin Mətbuat Mərkəzinə daxil olan məlumata görə, irqçi fars rejimin işğalçı Ermənistanın baş naziri Paşinyana Tehranda Xocalı soyqırımının ildönümündən bir gün sonra qucaq açması və üstəlik Tehranın Ararat İdman Kompleksində “Qarabağ Ermənistandır” yazılmış bannerin nümayişi Güney Azərbaycanda fəalların kəskin etirazı ilə yanaşı Urmiyanın millət vəkili Hadi Bahaduri tərəfindən də pislənib.

Güney Azərbaycanın Urmiya şəhərinin rejimin məclisindəki millət vəkili Hadi Bahaduri işğalçı Ermənistanın baş naziri Nikol Paşinyanın Xocalı qətliamının ildönümündə Tehrana səfər etməsinə etiraz edərək deyib:  “Dağlıq Qarabağ islam və Azərbaycanın torpağıdır, Ermənistan Azərbaycanın ərazi bütövlüyünə hörmət etməlidir. İran İslam Respublikası və onun rəhbərinin də mövqeyi bundan ibarətdir.

Dövlət qonşu ölkələrlə əlaqələrini gücləndirməklə Amerika Birləşmiş Ştatlarının bölgədə apardığı siyasətə qarşı mübarizə aparır. Lakin Xarici İşlər Naziliyi ixtilafların qızışmasına icazə verməməlidir. Əslində İran Azərbaycan Respublikası ilə münasibətlərinə xələl yetirilməsini istəmir”.

Azərbaycanlı millət vəkili Nikol Paşinyanın məhz Xocalı qətliamının ildönümündə Tehrana səfər etməsinə etiraz edərək deyib: “Hesab eliyirəm ki, indi bu səfərin vaxtı deyildi, bu, başqa bir vaxtda həyata keçirilməli idi. Biz Ermənistanla həmsərhəd ölkələrik. Ona görə də bu ölkə ilə əlaqələrimizin olması təbiidir. Amma bu əlaqələr ölkənin əsas və rəsmi siyasətinə uyğun olmalıdır. Biz parlamentdə xarici işlər nazirinə sual ünvanlayacayıq. Nazirlik açıqlamalıdır ki, nə üçün İran İslam Cümhuriyyətinin sərhədləri daxilində onun rəsmi siyasətinin əleyhinə belə bir hadisə baş verməlidir?!”

Həmçinin yoxlayın

Cavid Rəhman Güney Azərbaycanda insan hüquqları pozuntusu barədə hesabat yaydı

GADTB-nin Mətbuat Mərkəzinə daxil olan məlumata görə, dünən çərşənbə günü, fevralın 19-da BMT-nin İranda insan …

Türk ordusunun İdlibdə geniş əməliyyata başladığı bildirilir

GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələri Suriyanın İdlib bölgəsində Bəşşar Əsədə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir