GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda həbsdə saxlanılan üç azərbaycanlı milli-mədəni fəala azadlıq tələbilə ictimai şəbəkələrdə posterlər hazılanıb paylaşılıb.
Posterdə həbsdə saxlanılan azərbaycanlı fəallar Lətif Həsəni, Abbas Lisani və Tövhid Əmir Əmininin şəkilləri əks etdirilməklə “FREE ALL POLITICAL AZERBAIJAN’S PRISONERS” (Azərbaycanın bütün siyasi məhbusları azad edin) şüarı yazılıb.
Qeyd edək ki, adları fəallar koronavirus infeksiyasının geniş yayılmasına baxmayaraq hələ də həbsdə saxlanılırlar.
Azərbaycanlı fəal Lətif Həsəni hazırda Kərəcin Rəcayişəhr zindanında 9 illik həbs cəzasını çəkməkdədir. O rejim tərəfindən 2013-cü il aprelin 29-da qanunsuz qrup yaratmaq ittihamı ilə 8 il və sistemin əleyhinə təbliğ ittihamı ilə 1 il həbs cəzasına məhkum edib. Azərbaycanlı siyasi məhbus qanuni hüquqlarından məhrum edilib və 8 ildir ki, zindanda saxlanılır. Fəalın şərti azadlığa buraxılması da təmin edilmir.
Ərdəbil zindanının 7-ci bölməsində saxlanılan tanınmış azərbaycanlı milli-mədəni fəal Abbas Lisani əsassız ittihamlar, o cümlədən, qanunsuz qrup yaratmaq və idarə etməkdə günahlandırılaraq 15 il həbs və 2 il sürgün cəzasına məhkum edilib.
Tövhid Əmir Əmini Beynəlxalq Ana Dili günü münasibəti ilə təbrik posterləri payladığına üçün 2019-cu il fevralın 20-də Tehranda yaxalanıl. Fəal bəyənilən hərəkətinə görə milli təhlükəsizliyi pozmaq məqsədi ilə toplaşmaqda günahlandırılaraq 7.5 il azadlıqdan məhrum edilib. Rejim milli fəalın məzuniyyətə buraxılmasına icazə vermir.
