Bütöv Azərbaycan sevdalısı dr.Səftər Rəhimlinin “İnsan hüquqları komitəsi: nəzəri və praktiki problemlər” adlı dərs vəsaiti nəşr olundu

GADTB-nin Mətbuat Mərkəzinə daxil olan məlumata görə, Bütöv Azərbaycan sevdalısı dr.Səftər Rəhimlinin “İnsan hüquqları komitəsi: nəzəri və praktiki problemlər” adlı dərs vəsaiti nəşr olunub.

Güney Azərbaycan Demokratik Türk Birliyi (GADTB) dəyərli alim və ziyalı, Bütöv Azərbaycan sevdalısı dr.Səftər Rəhimlini çox qiymətli əsərinin nəşr olunması münasibəti ilə səmimi-qəlbdən təbrik edir və dəyərli alim və ziyalıya yeni-yeni elmi-yaradıcılıq uğurları arzulayır.

Qeyd edək ki, Bakı Dövlət Universitetinin hüquq fakültəsinin müəllimi, hüquq elmləri üzrə fəlsəfə doktoru Səftər Rəhimlinin müəllifi olduğu “İnsan hüquqları komitəsi: nəzəri və praktiki problemlər” adlı dərs vəsaiti “Bakı Universiteti Nəşriyyatı” tərəfindən nəşr olunub.

Musavat.com-un verdiyi məlumata görə, dərs vəsaitində Birləşmiş Millətlər Təşkilatının sisteminə aid qurumlardan olan İnsan Hüquqları Komitəsinin fəaliyyəti tədqiq edilir. Azərbaycan Respublikası ilə Komitə arasında konstruktiv əməkdaşlığın istiqamətləri göstərilir.

Dərslikdə mülki və siyasi hüquqlar üzrə beynəlxalq Pakt, onun fakültativ protokolları və müvafiq prosedur qaydalar sistemli formada təhlil edilir. Beynəlxalq müqavilə mexanizmi kimi Komitənin fəaliyyətinin səmərəliliyini təmin edəcək beynəlxalq hüquqi vasitələr araşdırılır, insan hüquqlarının beynəlxalq müdafiəsi sistemində onun hüquqi təbiəti, mülki (şəxsi) və siyasi hüquqlar üzrə dövlətlərin beynəlxalq hüquqi öhdəliklərinin xarakteri, şəxsi və siyasi hüquqlar sferasında, beynəlxalq hüquq normalarının dövlətdaxili hüquqi implementasiyasında Komitənin rolu tədqiq olunur.

Onun şərhlərinin daxili qanunvericilik üçün, insan hüquqları üzrə norma yaradıcılığında, təfsir və hüquq tətbiqetmədəki əhəmiyyəti təhlil edilir. Azərbaycan Respublikasının dövri hesabatlarının Komitə tərəfindən qiymətləndirilməsi, mövcud problemlər və onların həlli üçün verilən tövsiyələr şərh olunur. Xüsusi olaraq Komitənin fərdi şikayət proseduru geniş formada araşdırılır və Azərbaycan Respublikası qanunvericiliyində ayrı-ayrı şəxslərin İnsan Hüquqları Komitəsinə müraciət qaydasının təkmilləşdirilməsi üzrə təkliflər verilir.

Həmçinin yoxlayın

Türkiyə Rusiyanın ən yeni raket əleyhinə komplekslərinin sirrini açdı

GADTB-nin Mətbuat Mərkəzinə daxil olan məlumata görə, Polşanın “Defence24” saytı yazır ki, Türkiyə Liviyadakı hərbi …

AFİ başqanı və GADTB başqan yardımçısı Eldar Qaradağlının “Elçibəy Düşüncəsi Güney Azerbaycanın Milli Hərəkətində” mövzusunda çıxışı-Video

GADTB-nin Mətbuat Mərkəzinə daxil olan məlumata görə, İsveç Azərbaycan Federasyonu (AFİ) başqanı və GADTB başqan …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir