Çərşənbə axşamı , Avqust 20 2019
azfa

Diktatorların himayəçisi Rusiya molla rejimini qorumaq üçün ABŞ-ın ordu göndərməsinə qarşı çəxdı

GADTB-nin Mətbuat Mərkəzinə daxil olan məlumata görə, dünyada diktator və cinayətkarların himayəçisi Rusiya irqçi fars rejimi qorumaq məqsədilə ABŞ-ın ordu göndərməsinə qarşı çəxır.

Bu istiqamətdə Rusiya Yaxın Şərqə 1,5 min hərbçinin göndərilməsi haqqında ABŞ-ın qərarını BMT Təhlükəsizlik Şurasında qaldıra bilər. Bu haqda Rusiya Federasiya Şurasının beynəlxalq işlər üzrə komitənin sədr müavini Vladimir Cabarov bildirib.

“Rusiya, düşünürəm ki, bu məsələni BMT Təhlükəsizlik Şurasında rəsmən qaldıracaq. ABŞ prezidenti Donald Tramp odla oynayır, orada böyük qırğın başlana bilər”, – senator deyib.

Cabarov bildirib ki, Tramp Yaxın Şərqə əlavə hərbi qüvvə göndərməklə İranı provokasiyaya çəkməyə, həmçinin onu qorxutmağa və əsəblərini yoxlamağa çalışır.

“Mən ümid edirəm ki, Tramp bununla partlayış təhlükəsi olan regionda hərbi hərəkətləri provokasiya etməyəcək. İran İraq və Əfqanıstan deyil, İran ciddi və güclü gücdür, burada insanlar mənəvi liderin ətrafında birləşiblər”, – o vurğulayıb.

Daha əvvəl ABŞ prezidenti Donald Tramp bildirib ki, ABŞ Yaxın Şərqə əlavə təxminən 1,5 min hərbi qulluqçu göndərəcək. Onun sözlərinə görə, bu addım artıq regionda olan Amerika hərbçilərini qorumağa xidmət edəcək.

Qeyd edək ki, İran ətrafında vəziyyət Vaşinqtonun körfəzə hərbi donanma göndərmək barədə qərarından sonra gərginləşib. Vəziyyətin kəskinləşməsi fonunda ABŞ daha əvvəl Fars körfəzinə ən azı yeddi hərbi gəmi və ona yaxın “Patriot” zenit-raket kompleksini çatdırıb.

Öz növbəsində, rejimin terrorçu hərbi təşkilatı olan İslam İnqilabı Keşikçilər Korpusunun komandanının müavini Əli Fadavi bildirib ki, İranın Silahlı qüvvələri Yaxın Şərqdə ABŞ-ın hərbi gəmilərinin hərəkətlərinə nəzarət edir.

Həmçinin yoxlayın

Suriyada Türkiyənin hərbi konvoyu bombalandı

GADTB-nin Mətbuat Mərkəzinə daxil olan məlumata görə, Suriya Hərbi Hava Qüvvələri İdlib vilayətindəki Türkiyə hərbi …

İrqçi fars rejim imzaladığı nüvə sazişini 3-cü mərhələdə pozmağa hazırlaşır

GADTB-nin Mətbuat Mərkəzinə daxil olan məlumata görə, irqçi fars rejim imzaladığı nüvə sazişini 3-cü mərhələdə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir