جمعه , مارس 29 2024
azfa

سايين ميکائيل اويتانين آذربايجانا قارشي ائرمني ايشغالي ايله باغلي مکتوبونا آوستراليالي دئپوتاتدان جواب

گادتب-نين مطبوعات مرکزينه داخيل اولان معلوماتا گؤره، يئني جنوبي اوئلس شتاتي پارلامئنتينين عضوو هيو ماک دئرموت آوستراليا آذربايجانليلاري آسوسياسيياسينين صدري گونئي آذربايجان دئموکراتيک تورک بيرليگي (گادتب) بين الخالق علاقه لري دئپارتامئنتينين صدري سايين ميکائيل اويتانين سئنتيابرين 19-دا اونا عنوانلاديغي مکتوبو جوابلانديريب.

آوستراليالي دئپوتات مکتوبوندا يئني جنوبي اوئلس شتاتيندا ياشايان آذربايجان و ائرمني ايجماعلارينين حياتي ايله باغلي مسئله‌لرين اونو جيدي شکيلده ماراقلانديرديغيني بيلديرير. قئيد ائدير کي، اونا عنوانلانميش مکتوبدا قالديريلان مسئله‌لري مذاکيره ائتمک اوچون او، گادتب فونکسيونئري، آوستراليا آذربايجانليلاري آسوسياسيياسينين رهبري م.اويتا ايله گؤروشمه‌يه حاضيردير. بئله کي، پارلامئنتين دئپوتاتي اولاراق اونون احاطه ائتديگي اراضيده ياشايان آذربايجان ايجماعسينين عضولري ايله گؤروش اونون اوچون چوخ ماراقليدير.

مکتوبدا، همچنين آوستراليا آذربايجانليلاري آسوسياسيياسينين رهبرليگيندن دئپوتاتين اوفيسي ايله علاقه ساخلامالاري و اونلار اوچون مناسيب واختدا گؤروش تعيين ائتمه‌لري خواهيش ائديلير.

قئيد ائدک کي، سايين اويتا يئني جنوبي اوئلس شتاتي پارلامئنتينين عضوو هيو ماک دئرموتا مکتوبوندا ائرمنيستان-آذربايجان مناقيشه‌سينين تاريخينه گئنيش يئر وئره‌رک، يوز ايللر بويو ائرمنيلرين تاريخي آذربايجان تورپاقلاريني غصب ائتمک اوچون آپارديغي ايشغالچي سياست باره‌ده آوسترالييالي دئپوتاتا اطرافلي معلومات وئرمه‌يه چاليشیب. عئيني زاماندا، اؤتن عصرين 90-جي ايللرينده کئچميش سووئت اتفاقینین داغيلماسي عرفه سينده ائرمنيلرين آذربايجان تورپاقلارينين ايشغالي ايستيقامتينده تؤرتديکلري قانلي جينايتلره ده مکتوبدا گئنيش يئر وئریب. وورغولایب کي، تاريخي آذربايجان تورپاغي اولان داغليق قاراباغين ايشغالي، آذربايجانليلارين ياشاديقلاري اراضيلرده تؤره‌ديلن فاجيعه لر، خصوصا خوجالي سويقيريمي آذربايجان خالقينين يادداشيندان هئچ زامان سيلينميه‌جک.

بونونلا ياناشي، آوسترالياداکي آذربايجانليلارين صلح و امين-آمانليق شراييطينده ياشاماق نيتيني قئيد ائده‌رک يئرلي سيياستچيلرين بيرطرفلي مؤوقئعيينين و سياسي حرکتلرينين بونو پوزماغا يؤنلديگيني اونون ديقتينه چاتديریب. قئيد ائديب کي، بو جور حرکتلرين خصوصا مکتبلرده تؤره‌ديلمه‌سي بوراداکي ائرمني شاگيردلرله آذربايجانلي و تورک مکتبليلر آراسيندا خوشاگلمز حاللارا يول آچير”.

دوباره امتحان کنید

حضور بانوان طرفدار تراختور در استادیوم

گادتب: به گزارش مرکز گادتب، برخی رسانه های هواداری تیم تراختور از صدور مجوز حضور …

«احد سیف‌خواه» با قرار وثیقه از زندان مرکزی تبریز آزاد شد

گادتب: به گزارش مرکز گادتب، «احد سیف‌خواه» برادر «آیاز سیف‌خواه» (فعال آزربایجانی که در بند …

دیدگاهتان را بنویسید