چهار شنبه , آگوست 21 2019
azfa

گادتب-نين 31 مارت آذربايجان تورکلرينين سويقيريمي گونو موناسيبتي ايله بيلديريشي

گادتب: ائرمنيلر سون ايکي عصردن آرتيق بير مدتده تاريخي آذربايجان اراضيسي و شرقي آنادولودا تورک ميللتينه قارشي مقصدلي شکيلده سويقيريملار تؤرتمکده‌ديرلر. آذربايجان و تورکيه اراضيسينده ائرمنيلرين تورک ميللتينه قارشي سويقيريمي تؤرتمه‌سينين مقصدي ايسه خزر دنيزي ساحيللريندن قوزئي و گونئي آذربايجان اراضيسينين بؤيوک حيصه سيني، ائله جه ده شرقي آنادولونو احاطه ائتمکله قارا دنيز و آراليق دنيزلري ساحيللرينه‌دک اوزانان بؤيوک بير اراضيده ائرمنيلره دنيزدن دنيزه “بؤيوک ائرمنيستان” ياراتماق ايدي. لاکين بو اراضيلر آذربايجان و تورکيه اراضيسي اولدوغو اوچون بورادا ياشايان اهالي ده تورکلردن عيبارت ايدي. اونا گؤره ده بورادا ياشايان آذربايجان تورکلريني قيرماق و نتيجه‌ده دئموقرافيک دگيشيکلييه نايل اولماقلا ائرمنيلره دؤولت قورماغا رئال شراييط ياراتماغا چاليشديلار. بونون نتيجه‌سينده ايسه شرقي آنادولو و آذربايجان اراضيلرينده تورکلره قارشي سويقيريم تؤره‌ديلدي.

1905-1907-جي ايللرده ائرمنيلرين آذربايجان تورکلرينه قارشي تؤرتديگي سويقيريمين بيرينجي مرحله سيندن سونرا ائرمنيلر بیرینجی دونيا محاريبه سي ايللري، خصوصيله 1918-جي ايلده عوثمانلي دؤولتينين شرق حيصه سي و بوتؤو آذربايجان (گونئي و قوزئي آذربايجان) اراضيسينده يوز مينلرله تورکو سويقيريما معروض قويدولار. گونئي آذربايجاندا هله 1918-جي ايلين فئورال آيينين اورتالاريندان باشلانان سويقيريمي مارت آييندا داها کسکينلشميش و آوگوست آيينا قدر داوام ائتميشدير. قوزئي آذربايجاندا ايسه مارت آيي، خوصوصيله مارت آيينين 31-اي آذربايجان تورکلرينين ائرمنيلر طرفيندن سويقيريما معروض قالماسينين پيک نؤقطه‌سي حساب ائديلير.

يالنيز قوزئي آذربايجاندا دؤولتيميزين موستقيل اولماسي نتيجه‌سينده آذربايجان تورک ميللتينه قارشي ائرمنيلرين تؤرتديگي سويقيريما حقوقي قييمت وئريلدي و 31 مارت آذربايجان تورکلرينين سويقيريمي گونو کيمي رسميلشدي.

ائرمنيلرين آذربايجان تورکلرينه قارشي سويقيريمي و ايشغال سياستينين گونوموزده ده داوام ائتمه‌سيني نظره آلان گونئي آذربايجان دموکراتيک تورک بيرليگي (گادتب) آذربايجان دؤولتي و تورک ميللتينين منافعي ايستيقامتينده آذربايجان تورکلرينين سويقيريمينين دونيا سوييه‌سينده تانيديلماسي اوچون اليندن گله‌ني ائده‌جک و آذربايجان تورک ميللتيني ده بو ايستيقامتده فعاللیق گؤسترمه یه چاغيرير.

اژدر تقي زاده

گونئي آذربايجان دئموکراتيک تورک بيرليگي (گادتب) باشقاني

 

دوباره امتحان کنید

موافقت با آزادی مشروط حامد الله‌وردی پور زندانی سیاسی تورک

گادتب: به گزارش مرکز خبر گادتب، حامد الله‌وردی پور فعال سیاسی تورک که در زندان …

سئویل سلیمانی: در رابطه با گزارش جاوید رحمان در مورد نقض حقوق ترکان آذربایجان

گادتب: امروز بالاخره موفق شدم گزارش جاوید رحمان گزارشگر ویژه حقوق بشر در رابطه با …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *