یکشنبه , ژوئن 7 2020
azfa

گادتب و گایب باشقانی سایین اژدر تاغیزاده‌نین ایران آدلانان یئرده ملا رژیمینین سئچکی اویونو ایله باغلی بیلدیریشی

گادتب: آذربایجانین عزیز تورک میللتی، عزیز سویداشلار!

گادتب: نؤوبتی دفعه فارس-موللا رئژیمی 41 ایلدن سونرا میللتی مجلیس سئچکی‌سی آدی ایله آلدادا‌راق یئنی‌دن صاندیق باشینا چاغیریر. بو پروسئس هله پهلوی دؤنمین‌دن داوام ائدیر و ایندی فارس-موللا رئژیمی 41 ایل ایچری‌سینده اؤز جینایت‌لری و اوغورلوق‌لاری ایله پهلوی ژئژیمی‌نین ده اوزونو آغ ائتمیش‌لر.

پهلوی رئژیمی کیمی بو رئژیم ده گونئی آذربایجانا قارشی ایشغالچی‌لیق سیاستینی داوام ائتدیریر. تورک اؤولادی ایشغال و اسارت آلتیندا‌دیر. زیندانلار آذربایجان تورک‌لری‌نین مباریز اؤولادلاری ایله دولموش‌دور. میللتیمیز بوتون ابتیدایی و اینسانی حقوقون‌ان محروم‌ ائدیلمیشدیر. رئژیم حتی میللتیمیزی آجینا‌جاقلی دوروما سالمیش‌دیر و اها‌لی‌نین دولانیشیغی حتی ان گئری قالمیش اؤلکه‌لرین ده اها‌لیسی‌نین دولانیشیغین‌دان گئریده‌دیر. رئژیمین ایشغال سیاستی‌نین فسادلاری تدریجاً داها آجینا‌جاقلی حال آلدیقجا رئژیم داها فیریلداق، ایکی اوزلو و الی قانا باتمیش ال آلتی‌لارینی اؤنه چکیب، خالقی سئچکی آدی آلتیندا آلداتماغا چالیشیر.

بیزیم و میللتیمیزین اساس ایشی رئژیمین و ال آلتی‌لارینین ریاکارلیغی و جینایت‌لرینی ایفشا ائدیب، اونلاری آذربایجاندان چیخارماق‌دیر. بونلارین اوزدن ایراق سئچکی‌لرینده ایشتیراک ائدیب، بونلاردان نسه اومماق آبسورد و معنا‌سیزدیر. بونلار نه اورمیانی، سولدوزو، نه ده انزلینی، همدانی، ساوه نی و عمومی‌لیکده آذربایجانی بوراخا‌جاق‌لار. بونلارین 97 ایللیک عمل‌لری بونو ثبوت ائدیب و آذربایجان تورک میللتی بیر داها رئژیمین تورونا دوشمه مه‌لیدیر.

حاقلی اولا‌راق دئییرلر بو گون اورمو تهلوکه‌ده‌دیر. دوغرودور اورمیا تهلوکه‌ده‌دیر. ائله رئژیمین اوجباتیندان اورمیا و گونئی آزربایجانین غرب بؤلگه‌سی تهلوکه‌ده‌دیر. لاکین اورمو قدر ده آذربایجانین اؤزو، بو میللت، بو میللتین ناموسو، گله جه یی و وارلیغی دا تهلوکه‌ده‌دیر. زیندان‌لاری بو میللتین اؤولادلاری ایله دولدوروب، اونلارا ایشگنجه وئرن رئژیمین امرینه باش اییب، اونون یوغوروب میدانا گتیردیگی ال آلتی‌لارینا سس وئریب میللت وکیلی آدی ایله ساختا مج‌یسه گؤندرمک هئچ بیر عاغیللی اینسانین ایشی دئییل. بیزه نه بئله بیر رئژیمی، نه اونون اوپوزیسیونونو و نه ده اونون سئچکی‌لرینی تانیمیریق و میللتیمیزی بو اویونا گئتمه مه‌یه چاغیریریق.

آذربایجان تورک میللتی پهلوی رئژیمین‌دن قورتاردیغی آندان 41 ایلدیر بیر داها ایرق‌چی، جینایتکار موللا رئژیمی‌نین ایشغالینا معروض قالدی و بو گون ان قدّار اصول‌لارلا موستملکه ائدیلیب و ظلمه معروض قالماقدا‌دیر. بو آجینا‌جاقلی دورومدا رئژیمین اؤزونون تکلیف ائتدیگی ال آلتی‌لارینا سئچکی آدی آلتیندا سس وئریب اوزدن ایراق مجلیسه گؤندرمک بیزیم میللتیمیزه یاراشماز و بیر دفعه‌لیک مجلیس و سئچکی مسئله‌سینی باغلاماق لازیم‌دیر. میللی فعال‌لاریمیز دا بو رئژیمه و رئژیمین تکلیف ائتدیگی ایشکنگه‌چی و قاتیل‌لره اینانماما‌لی و اونلاری تبلیغ ائتمه مه‌لی‌دیرلر. بو میللی حرکاتا جفا‌دیر. بو رئژیم و ایران آدلانان یئر داغیلماق عرفه‌سینده‌دیر. سئچکی اویونونو دا اؤز عؤمرونو داها بیر مدت اوزاتماق اوچون میدانا آتمیشدیر. رئژیم دونیایا گؤسترمک ایسته ییر کی، هله ده خالق اونلاری دستکله ییر. میللتیمیز ایرتیجایا و ایشغالا سون قویماق نیتینده‌دیر و بیزیم ده ایشیمیز ایشغالچینی آذربایجان‌دان چیخاریب گونئی آذربایجان تورک جمهوریتینی یاراتماق‌دیر.

اژدر تاغی زاده

گونئی آذربایجان دمکراتیک تورک بیرلیگی (گادتب) و گونئی آذربایجان استقلالچیلار بیرلیگی (گایب) باشقانی

دوباره امتحان کنید

تغییر بندهای جعفر رستمی راد و یوسف کاری در زندانهای اوین و اردبیل

گادتب: به گزارش مرکز خبر گادتب، جعفر رستمی راد فعال ملی مدنی آذربایجانی طی تماسی …

دو تن از فعالین ملی آذربایجان جنوبی مجموعا به ۱۲ ماه حبس محکوم شدند

گادتب: به گزارش مرکز خبر گادتب، جعفر اسمعیل‌زاده و میلاد اسمعیل‌زاده، دو تن از فعالین …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *