چهار شنبه , آگوست 21 2019
azfa

گونئي آذربايجان دموکراتيک تورک بيرليگينين (گادتب) يئني گون بايرامي موناسيبتي ايله تورک ميللتينه تبريک مئساژي

گادتب: دونيانين ان قديم خالقلاريندان اولان تورک ميللتي یئر اوزونده طبیعتین اویانیش بایرامی اولان يئني گون- ياز بايرامينی بشریته تحفه ائتمیشدیر. بو بایرام تورک اينسانينی ايلکين حيات طرزي، اکينچيليگي و طبيعتين قيشدان سونرا يئنيدن اويانماسي ايله باغلي اولموشدور. بو بايرام اساس ايکي قطعه‌يه ياييلميش تورکلرين هاميسيندا دينيندن آسيلي اولماياراق کئچيريلير. حتّي پروتوتورک خالقلار حساب ائديلن ايکي چاي آراسيندا ساوير و شومئرلرده بئله، يئني گون بايرامي کئچيريلميشدير.

دیوان “لغات الترک”ده ده بو بایرام “يئنگي گون” (يئني گون) کيمي قئيد ائديلميش، داها سونرالار فارسجايا حرفي ترجومه ائديله‌رک نووروز شکلينده تورک ايمپئراتورلوقلارينين اراضيسينده بو شکيلده ايشله‌ديلميشدير. “يئني گون” سؤزو تورک سولطانلارينين (ملیک شاه سلجوقلو) گؤستريشي ايله فارسجايا ترجومه ائديلديگي اوچون بير چوخ بؤلگه‌لرده نووروزي سولطان و سولطان نووروزو شکلينده ايشله‌ديلميش و حتّي بير سيرا تورک اؤلکه‌لرينده بو گون بو شکيلده ايشله‌ديلمکده‌دير. بؤیوک سلجوقلو سلطانی ملیک شاهین تقويم ايصلاحاتلاريندان سونرا ترجومه فورماسي خوصوصيله ياييلميشدير.

اوچ قطعه‌نين مين ايللر بويو حاکيمي اولموش تورک ميللتي، قانادلاري آلتينا سيغينميش بير سيرا خالقلاردان دا بو گؤزل عنعنه سيني اسيرگمه‌ميش و اونلار دا يئني گون- ياز بايراميني منيمسه‌ييب قئيد ائديرلر.

بؤيوک تورک ميللتينين قديم بايرامي اولان يئني گون- ياز بايرامي بو گون ده تورک ميللتينين اورتاق ميراثي کيمي تورک دونياسيني بيرلشديرير.

گونئي آذربايجان دموکراتيک تورک بيرليگي (گادتب) يئني گون- ياز بايرامي موناسيبتي ايله گونئي آذربايجان و قوزئي آذربايجان تورک ميللتيني، ائله جه ده تورک دونياسيني تبريک ائدير، ميللتيميزه موتلولوق و آيدين گله‌جک، گونئي آذربايجان داخيل اولماقلا اسارتده اولان ديگر تورکلره آزادليق و موستقيلليک آرزولايير.

يئني گون- ياز بايرامينيز موبارک!

اژدر تقی زاده

گونئي آذربايجان دموکراتيک تورک بيرليگي (گادتب) باشقاني

دوباره امتحان کنید

موافقت با آزادی مشروط حامد الله‌وردی پور زندانی سیاسی تورک

گادتب: به گزارش مرکز خبر گادتب، حامد الله‌وردی پور فعال سیاسی تورک که در زندان …

سئویل سلیمانی: در رابطه با گزارش جاوید رحمان در مورد نقض حقوق ترکان آذربایجان

گادتب: امروز بالاخره موفق شدم گزارش جاوید رحمان گزارشگر ویژه حقوق بشر در رابطه با …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *