شنبه , دسامبر 15 2018
azfa
تازه ها

گونئي آذربايجان دموکراتيک تورک بيرليگينين (گادتب) عيرقچي فارس رئژيمين الاحوازين عرب فعاللاريني اعدام ائتمه‌سيني پيسله‌مه‌سينه داير بيلديريشي

گادتب: ارتجاعچي و عيرقچي فارس رئژيم 1979-جو ايل اينقيلابيندان سونرا اوزدن ايراق ايسلام رئسپوبليکاسينين تشکيلي ايله اؤزونو ايسلام دونياسينين حيمايه‌چيسي کيمي قلمه وئرسه ده، اصلينده عيرقچي، آنتي تورک و آنتي عرب رئژيمدير و رئگيوندا مسلمان دونياسينا ان بؤيوک ضربه‌ني وورموشدور. بو رئژيم اصلينده عيرقچي فارس-پهلوي رئژيمين واريثي اولماقلا، 1925-جي ايلده مسلمان تورک و عربلره قارشي، ائله جه ده بريتانيانين موستملکه سياستينين داوام ائتديريلمه‌سي مقصديله اينگليس و يهودلارين چئوريليش پلاني ايله حاکيميته گتيريلميشدير. همين دؤوردن ايندييه قدر ايسه اؤز عيرقچي، آنتي تورک و آنتي عرب فونکسیياسينا عمل ائدير.

ايسلام رئسپوبليکاسي رئژيمي تشکيل ائديلديگي گوندن داواملي اولاراق، اؤز عيرقچي، آنتي تورک و آنتي عرب فونکسيياسينا عمل ائده‌رک، آيري سئچکيليک و موستملکه سياستيله الاحواز منطقه سینين نفت-گاز ثروتلريني فارس بؤلگه‌لرين آبادليق منبعينه، بو منطقه نين اؤزونو ايسه محروم بير بؤلگه‌يه چئويريب. ايندي الاحواز منطقه سينده وضعيت او درجه‌ده آجيناجاقليدير کي، قاراقيزيل يوردوندا چوخ سايلي اوشاقلار يوخسوللوق اوجباتيندان تحصيلدن بئله محروم ائديليب.

عيرقچي فارس رئژيم ايسلام رئسپوبليکاسينين تشکيل ائديلديگي ايلک دؤوردن مختليف اويدورما بهانه‌لرله اون مينلرله عرب فعالي اعدام ائديب. ايران-عيراق محاريبه سيندن اؤنجه بير سيرا اويدورما بهانه‌لرله، محاريبه دؤورونده صدام و بعث پارتيياسينا جاسوسلوق ايتّيهامي ايله، محاريبه دن سونرا ايسه باشقا مختليف يالان بهانه‌لرله عرب ميللتينين فعاللاري سيستئماتيک شکيلده اعدام ائديليب. رئژيم سون کوتلوي اعدام مسئله سینده ده احوازدا پارادا سيلاحلي هجومو بهانه ائده‌رک، عرب فعاللاري اعدام و محو ائديب. عيرقچي فارس رئژيم سيلاحلي حجوملا علاقه سينين اولماماسينا باخماياراق، 23 عرب فعالي اعدام ائتمکله ياناشي 800-دن چوخ عرب فعالي دا حبس ائتميشدير.

گونئي آذربايجان دموکراتيک تورک بيرليگي (گادتب) عرب فعاللارين اعدام و حبسيني پيسله‌مکله ياناشي بيلديرير کي، عيرقچي و ارتجاعچي خامنه اي رئژيمي سون نفسلرينده بو غيري اينساني عملي ايله اؤزونون عرب و تورک دوشمني اولدوغونو بير داها نماييش ائتديردي. رئژيمين بئله غيري اينساني ايشلري الاحوازين عرب ميللتينين و غيري فارس ميللتلرين آزادليق و ايستيقلال اوغروندا عزميني قيرا بيلميه‌جک.

گونئي آذربايجان دموکراتيک تورک بيرليگينين (گادتب) باشقاني

اژدر تاغيزاده

 

دوباره امتحان کنید

افتتاح بخش ترکی کتابخانه تاریخی در آمریکا

گادتب: به گزارش مرکز خبر گادتب، بخش ترکی کتابخانه تاریخی کری مموریال شهر لکسینگتون در …

بیماری شدید شاعر آذربایجانی در زندان رژیم نژادپرست فارس

گادتب: به گزارش مرکز خبر گادتب، بنا بر اطلاعات منتشره در شبکه های اجتماعی آذربایجان …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *