سه شنبه , فوریه 19 2019
azfa

گونئي آذربايجان دموکراتيک تورک بيرليگينين (گادتب) حکيمه احمدي و حيات يولداشي مهندس قربانيه قارشي رژيمين ظلم و وحشيليگيني پيسله‌مه‌يه داير بيلديريشي

گادتب: آذربايجانلي ميللي-مدني فعال حکيمه خانيم احمدينين ايشغالچي فارس رژيمي طرفيندن موستملکه ائديلميش آذربايجانين و اسارته آلينميش آذربايجان تورک ميلتينين حقوقلاريني مدافعه ائتمه‌سي عيرقچي و ايرتيجاعچي فارس رژيمي غضبلنديرميش و اونون اؤز ييرتيجي و تئررورچو صيفتيني بروزه وئرمه‌سينه سبب اولموشدور.

تومروس غئيرتلي حکيمه خانيمين آذربايجان خانيمينا خاص وقارلا عيرقچي رئژيمه مقاويمتي رژيمي اؤز ييرتيجي حيواني صيفتيني اورتايا قويماغا و عصمتلي بير خانيما قارشي وحشيليک نماييش ائتديرمه‌ یه، ايشگنجه آلتيندا اونون قابيرغاسي و بارماقلاريني قيرماغا، ائله جه ده ايشگنجه نتيجه‌سينده قارا جييه ريني تام سيرادان چيخارماغا سبب اولموشدور.

اوسته ليک رئژيم همين عاييله نين بوتون حسابلاري و گلير منبعلريني قاپاداراق، ايشگنجه نتيجه‌سينده خسته خاناليق ائتديگي حکيمه خانيمي اؤز خرجي حسابينا معاليجه ائديلمه‌سيني طلب ائتمه‌سي عيرقچي فارس-موللا رژيمينين نه درجه‌ده حيواني خيصلته ماليک اولدوغونو گؤز اؤنونه سرمکده‌دير.

گوناهسيز آذربايجانلي خانيما قارشي بو ظولمو ايجتيماعيلشديرن حکيمه خانيم احمدينين حيات يولداشي مهندس قرباني ايسه رژيمين غضبينه توش گلميش و رژيمين ييرتيجي مأمورلاري اونو وحشيجه‌سينه دؤيه‌رک باشيني و اليني سينديرميشلار.

گونئي آذربايجان دموکراتيک تورک بيرليگي (گادتب) آذربايجانلي ميللي-مدني فعاللار حکيمه خانيم احمدي یه، اونون حيات يولداشي مهنديس محمدرضا قرباني يه، ائله جه ده حتّي بير ساعات بئله ياخالانيب سورغو-سوالا توتولان هر بير آذربايجان تورکونه قارشي رژيم طرفيندن تضييقي کسکين شکيلده پيسله‌يير و اؤز آزادليغي اوغروندا مباريزه آپاران ميللتيميزین يانيندا اولدوغوموزو اعلان ائدير. گادتب آذربايجانين ايگيد اوغول و قيزلارينين عزمله ديره‌نيشيني ايشغال ائديلميش گونئي آذربايجانيميزين آزادليغي اوچون يئگانه يول اولدوغونو دوشونور و بوتون ميلتيميزي وطنيميزين آزادليغي و ايستيقلالي اوغروندا مباريزه‌يه سسله‌يير.

گونئي آذربايجان دموکراتيک تورک بيرليگي (گادتب)

 

دوباره امتحان کنید

آزادی موقت مرتضی ثنایی فعال ملی آذربایجانی با قرار وثیقه ۲۰۰میلیون ریالی از زندان رژیم در اردبیل

گادتب: به گزارش مرکز خبر گادتب، مرتضی ثنایی فعالی ملی  آزربایجانی بعد از ظهر دیروز …

دکتر توحید ملک زاده: مساله هویت در آذربایجان در دوره رضاشاه

گادتب: مساله هویت در آذربایجان در دوره رضاشاه در دوران رضاشاه ؛ ۵ گرایش عمده …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *