یکشنبه , می 26 2019
azfa
تازه ها

گونئی آذربایجان ایستیقلالچیلار بیرلیگی نین آذربایجان تورک میللتینه مراجیعتی

گادتب: حؤرمتلی وطنداشلار

ایران دئییله ن یئرده موجود رئژیمی حاکمیته گتیره ن خاریجی قووه لر، بو رئژیمده ده ییشیکلیکلر آپارماق قرارینا گلمیشلر . بو ایش اوچون حاضیرلیق ایشلری آپاریلماقدادیر. اؤزلرینی آلتیرناتیو گؤستره ن قووه لر و چئشیدلی شخصلرله دانیشیقلار آپاریرلار. آمما بو کئچه ن 40 ایلده اؤزلرینی موخالیفتده گؤره نلر تاریخدن درس آلمامیشلار. هله حاکیمیته گلمه دن فارس عیرقچیلیغینی ـ کوروشچولوغو اؤزلری اوچون بیر ایدولوژی سئچمیشلر. بو فارس آزلیغی ایران دئییله ن میللتلر دوستاغیندا، ایندیلیک یاشاماق زوروندا اولان میللتلری تانیمیرلار. اؤزلری نین هیندوستان و افغانیستاندان گلدیکلرینی اونودورلار. ایرانچیلیغی، فارس عیرقچیلیغینی تبلیغ ائدیرلر. اونلارین بو عیرقچی دوشونجه لری آذربایجان میللتی اوچون بللی دیر. تازالیغی یوخدور. اینگیلیسلر طرفیندن کودتا ایله حاکمیته گتیریله ن رضا میرپنج دؤوروندن بو سیاست باشلامیش و بوگون ده دوام ائتمکده دیر.

ده یرلی وطنداشلار

ایران دئییله ن یئرده قارشیدان گله ن گونلر، میللتیمیز اوچون تاریخی بیر شانسدیر. فارس اسارتیندن قورتولماق اؤز ائویمیزده اؤز آغامیز اولماق آنا هدفیمیز اولمالیدیر . طبیعی اولاراق خاریجی قووه لر بیر عده اؤزوموزدن اولان پول، مقام و آد دوشگونو اولانلاری تا پیب، میللتیمیزین تمثیلچیسی کیمی گؤسترمک ایستیه جکلر. تکرار میللتیمیزه وعده ـ وعیدلر وئرمه یه چالیشاجاقلار. بیز خاریجده و داخیلده بو گلیشمه لرین شاهیدی ییک . تکجه بونا گؤره ده بیز ایستیقلالچی تشکیلاتلار میللی و تاریخی وظیفه میز و میللی بورجوموز اولاراق میللتیمیزه موراحیعت ائدیب، چئشیدلی یئرلی و خاریجی قووه لرین بو اویونلارینا گلمه مه لرینی تووصیه ائدیریک . بیزه گؤره میللتیمیزین قورتولوشو و خوشبخت لییی آذربایجانیمیزین مستقیللی یینده دیر. تکجه قورتولوش یولوموز ایستیقلالیت دیر. اؤزوموز ـ اؤز آغامیز اولمالی ییق. بیز هر چئشید عیرقیچیلیغی رد ائدیریک. مستقیل آذربایجانیمیزدا چوخ فیرقه لی، پارلئمئنتاریزم اوصولونا دایانان، سئکولارـ لاییک حقوق دؤولتی یاراتماق ایسته ییریک. منطقه میزده باریش، اؤلکه میزده اقتیصادی و ایجتماعی گلیشمه آنا هدفیمیزدیر . بیزیم بو مستقیللی ییمیز یالنیز 40 میلیونلوق آذربایجان میللتی نین خئیرینه یوخ، حتا منطقه میزده اؤز چیخارلارینی دوشونن بؤیوک دؤولتلرین ده خئیرینه دیر.

یاشاسین میللی قورتولوش ساواشیمیز

وار اولسون واحید مستقیل آذربایجان

 

دوباره امتحان کنید

برگزاری سالگرد شهدای قیام خرداد1385 درسولدوزعلیرغم ممانعت نیروهای امنیتی رژیم

گادتب: به گزارش مرکز خبر گادتب، فعالین ملی و مدنی شهر سولدوز (نقده) امروز شنبه …

سومین جلسه دادگاه یول پرس با شکایت استاندار طرفدار تروریسم کردی فردا 5 خرداد برگزار می‌شود

گادتب: به گزارش مرکز خبر گادتب، سومین جلسه دادگاه یول پرس با شکایت استاندار غیربومی …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *