چهار شنبه , آگوست 21 2019
azfa

گونئی آذربایجان ایستیقلالچیلار بیرلیگینین ایران رئژیمی نین موخالیف قووه لریله میللی حرکتین بیرلشمه سینین ایمکانسیز اولمالی باره ده بیلدیریشی

گادتب: ایران رئژیمی نین موخالیف  قووه لریله  میللی حرکتین  بیرلشمه سی ایمکانسیزدیر.

گونئی آذربایجانین میللی حرکتی ماهییت جه آذربایجان و آذربایجانین گله جه یینه خاص اولان بیر حرکتدیر . ایران آدلانان اؤلکه چرچیوه سی ایچینده هر هانسی بیر آدلا و شکیلله آپاریلان ده ییشیکلیک بیزیم مسئله میز دئییلدیر. بیزیم بیر هوییتیمیز وار او دا آذریجانللیقدیر  .

آذربایجانلی نین هم ده ایرانلی اولماسی مومکون دئییلدیر. چونکی ایکی هوییتلی بیر میللت اولماز. بعضیلری آسیمیلاسیون یاخود هر هانسی سببلر اوزوندن بو مستعمره حیاتینی قبول ائدیب ، اونون دوامینا چالیشیرلارسا تأسوف ائدیجی دیر. بو میللی حرکتین یولو دئییلدیر.

بوگون آذربایجان میللی حرکتینی چئشیدلی یوللارلا کونترول و بایکوت ائتمه یه چالیشان و گورمه مزلیک سیاستی یورودن گوجلر بوگون گونئی آذربایجان گرچک و رئالیقلاریلا اوزلشمک زوروندا قالمیشلار. ایران آدلانان یئرده آذربایجانلیلار قاتیلمادان هئچ بیر ده ییشیمین آپاریلماسی نین مومکون اولمادیغینی آنلایان غربلی لر بو دفعه آذربایجان میللی حرکتینی ایران موخالیفتی نین (اوپوزیسیونون)  آلتینا چکمه یه چایشیرلار کی بوگوجدن اؤز مقصدلری اوچون یارارلانسینلار و میللی حرکتین ایستیقامتینی و گئدیش یولونو ده ییشسینلر.

ایران ایشغالچی رثژیمینه قارشی موباریزه ده پرنسیبلریمیزه اویقون اولان بوتون ایمکانلاردان فایدالانماغین ضرورتینی درک ائتدیگیمیز حالدا، کسین لیکله بونو قئید ائتمک ایسته ردیک کی، ایران اوپوزیسیونو ایله بیر آرایا گلمک، و یا بیرلشمک ایران چیلیغی و ایران دوولتینی قبول ائتمک معناسینا گلیر. داها ایلک باشدا دئدیییمیز کیمی. ایرانلیلیق هویتینی قبول ائتمک، آذربایجانلیلیق هوییتیمیزی قوربان وئرمک دئمکدیر. باشقا بیر سؤزله ده دئسک اؤز وارلیغیمیزی دانماقدیر .

گونئی آذربایجان میللی حرکتی ایران آدلانان یئرده رئژیمین علئیهینه اولان قووه لرله هر هانسی امکداشلیق و موذاکیره دن قاباق بللی شرط لرین یئرینه گتیریلمه سینی ایسته ییر. او دا آذربایجانا و آذربایجان تورک میللتینه قارشی آپاریلمیش جینایتلر اوچون عذر ایسته مک، آذربایجانین ایشغال اولدوغونو قبول ائتمک و بو ایشغالا سون قویما اوصوللارینی اورتایا قویماقدیر.

باشقا سؤزله دئسک، ایران آدلانان یئرین موخالیف قووه لری و اونلاری حمایت ائده ن خاریجی قووه لر، ایستیقلالییتی آذربایجان میللتی نین طبیعی حاقی اولدوغو نو رسمی شکیلده اعلان ائتمه دیکلری مدتجه، اونلارلا موذاکیره دن صحبت گئده بیلمه ز. غرب دایره لری نین بیر گروپ اؤزوموزده ن اولان اؤزگه لری آذربایجان میللتی نین تمثیلچیسی کیمی گؤسترمه جهدلرینی قیناییب و میللتیمیزه آرخادان خنجر وورما کیمی ده یرلندیریریک. شخصی چیخارلارینی مللتیمیزین و آذربایجانیمیزین چیخارلارینا اوستون توتان بئله شخصلر ایسه میللتیمیزین قارشی سیندا اوزو قارا اولوب، تاریخده خائن آدلانان شخصلر اولاجاقلار.

بیز گونئی آذربایجان ایستیقلالچیلار بیرلیگی اولاراق یوخاریدا قئید ائدیله ن شرط لریمیز قبول ائدیلمه دییی مدتجه هر هانسی بیر ایران موخالیفتی ایله بیر ماسا باشیندا اوتورماغی و موذاکیره نی رد ائدیریک.

گونئی آذربایجان ایستیقلالچیلار بیرلیگی

دوباره امتحان کنید

موافقت با آزادی مشروط حامد الله‌وردی پور زندانی سیاسی تورک

گادتب: به گزارش مرکز خبر گادتب، حامد الله‌وردی پور فعال سیاسی تورک که در زندان …

سئویل سلیمانی: در رابطه با گزارش جاوید رحمان در مورد نقض حقوق ترکان آذربایجان

گادتب: امروز بالاخره موفق شدم گزارش جاوید رحمان گزارشگر ویژه حقوق بشر در رابطه با …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *