چهار شنبه , آگوست 21 2019
azfa

گونئی آذربایجان ایستیقلالچی‌لار بیرلیگی‌نین (گایب) ورشو ایجلاسی باره‌ده بیلدیریشی

گادتب: ورشو ایجلاسیندا ایشتیراک ائدن رسمیلره

رضا میرپنجین عیرقچی، دیکتاتور و ال آلتی حاکمیتی ایران آدلی حبسخاندا یاشایان خالق‌لارین ایسته یینین عکسینه میللی قیام و اعتراضلاری حربی گوج و اوردو ایله وحشیجه‌سینه یاتیرماقلا حاکمیتینی 16 ایل داوام ائتدیره بیلمیش‌دیر.

تأسوف کی،  آمریکا، اینگیلتره و سووئت باشدا اولماقلا بیر سیرا خاریجی دؤولتلر گوجلو آلتئرناتیو تاپما‌دان خالق‌لارین ایراده‌سی‌نین عکسینه اولا‌راق محمدرضا پهلوینی آتاسینین یئرینه حاکمیته تعیین ائتدیلر.

بئله یانلیش تحلیل کوتلوی قیرغینلار و ایران آدلی زینداندا یاشایان میللت‌لرین حقوقلارینین پوزولماسی ایله نتیجه‌لندی. نتیجه‌ده اجتماعی اعتراض و مقاومتله، خصوصیله تبریزده 29 بهمن 1356-جی ایلده (19 فئورال 1978) شاهلیق دیکتاتوراسینین محوینه استارت وئریلدی و 22 بهمن 1357-جی ایلده (11 فئورال 1979) ظولمکار شاه رئژیمی تاریخین زیبیللیگینه توللاندی.

1978-جی ایلین سونلاریندا فرانسانین پرئزیدئنتی والئری گیسکاردئن آمریکا، اینگیلتره و آلمانیانین دؤولت باشچی‌لارینا تکلیف ائتدی کی، قوادئلوپا سفر ائدیب غئیری-رسمی شکیلده بئین الخالق بحرانلاری مذاکیره ائتسینلر.

لاکین بو گؤروشون پرده آرخاسیندا پهلوی حاکمیتینه سون قویوب، غربین ایسته دیگینی آلتئرناتیو کیمی حاکمیته گتیرمک اولموشدور. تأسفله یئنه خاریجی گوجلر ایران آدلی زیندانین چوخ میللتلی جمعیتی‌نین رئاللیق‌لارینی باشا دوشمه‌ییب، موختلیف میللت‌لرین ایسته یینه حؤرمت ائتمه‌دی‌لر. نظره آلمادیلار کی، عیرقچی پهلوی رئژیمی واسطه‌سیله میللت‌لرین میللی لیدئرلری اعدام ائدیلیب و یا زیندان‌لاردا چورومکده‌دیر و اونا گؤره پارتیا‌لار و میللی لیدئرلر گوندمده دئییل. بئله وضعیتده خمینینی 1979-جو ایلده شاهلیق علیهینه اینقیلابا و خالقا زورلا سیریدیلار.

دئمه‌لی، ایسلام رئسپوبلیکاسینین ایرتیجا‌عچی و بحرانلارا سبب اولان داغیدیجی ماهیتی ثبوت ائتدی کی، قوادئلوپدا چیخاریلان قرارلار باغیشلانماز سهو اولموشدور.

بو گون ایران آدلانان اؤلکه‌یه حاکم اولان یاراماز رئژیمین عؤمروندن 40 ایل کئچسه ده، ظلم آلتیندا اولان خالق‌لارین میللی قورتولوش مباریزلری ایران آدلی زیندانین دؤرد بیر یانیندا گئنیش خالق اعتراضلارینی تشکیلاتلاندیرماقلا رئژیمین دایاقلارینی لاخلاتمیشلار و چوروموش رئژیمین دئوریلمه‌سینه بیر او قدر قالمامیشدیر.

تأسوفله کی، یئنه ده غرب ایران جمعیتی رئاللیق‌لارینی نظره آلما‌دان و اوندا یاشایان میللت‌لرین ایستک‌لرینه حؤرمت ائتمه‌دن فئورال آیینین 13-ده ورشودا آلتئرناتیو فورمالاشدیرماغا چالیشیر.

بیز گونئی آذربایجان ایستیقلالچی‌لار بیرلیگی ورشودا ایشتیراک ائدن ایشتیراکچی‌لارا و دؤولت باشچی‌لارینا، خصوصیله آمریکا نماینده‌لیگینه اونلارین کئچمیشده یانلیش و رئاللیغی عکس ائتدیرمه‌ین تاریخی قرارلاریننین ایران آدلی حبسخانادا یاشایان میللت‌لره فاجعه وی نتیجه‌سینی خاطیرلادیب، بیر داها اونلارا خبردارلیق ائدیریک کی، بورادا ظلم آلتیندا یاشایان و اویاق میللت‌لر ایجازه وئرمه‌یه‌جک کی، یئنه تاریخ تکرارلانسین.

بیز اینانیریق کی، ورشو ایجلاسیندا ایشتیراک ائدن ایشتیراکچی‌لار و دؤولت باشچی‌لاری بو ایللر عرضینده بیر طرفدن اوزدن ایراق ایران رئژیمی‌نین موخالیفتی‌نین ماهیتی باره‌ده، دیگر طرفدن ایسه ظلم آلتیندا اولان میللتلرین گوجو ایله تانیش اولوب، بورادا یاشایان موختلیف میللت‌لرین ایراده‌سی‌نین عکسینه قرار وئرمه‌یه‌جک‌لر.

شوبهه‌سیز ظلم آلتیندا اولان میللت‌لر موستقیللیک قازاناندان سونرا، اونلارین ایراده‌سی ایله یارانان میللی دؤولتلر بو اجلاسدا چیخاریلا‌جاق موناسیب قرارا حؤرمتله یاناشیب، اونا قیمت وئره‌رک همین دؤولتلرله اقتصادی و سیاسی موناسیبت استراتئگیاسینی معیین ائتمکده بو عاملی نظره آلا‌جاق‌لار.

گونئی آذربایجان ایستیقلالچی‌لار بیرلیگی

دوباره امتحان کنید

موافقت با آزادی مشروط حامد الله‌وردی پور زندانی سیاسی تورک

گادتب: به گزارش مرکز خبر گادتب، حامد الله‌وردی پور فعال سیاسی تورک که در زندان …

سئویل سلیمانی: در رابطه با گزارش جاوید رحمان در مورد نقض حقوق ترکان آذربایجان

گادتب: امروز بالاخره موفق شدم گزارش جاوید رحمان گزارشگر ویژه حقوق بشر در رابطه با …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *