پنجشنبه , می 23 2019
azfa

گونئی آذربایجان دموکراتیک تورک بیرلیگی‌نین (گادتب) 31 دئکابر – دونیا آذربایجانلی‌لارینین همرأیلیک گونو ایله باغلی تبریک مئساژی

گادتب: 31  دئکابر، 1828-جی ایلدن ایشغالچی اؤلکه‌لر طرفیندن پارچالانمیش آذربایجانین و آذربایجان تورک میللتی‌نین بوتؤولشمه و همرأیلیگی‌نین تظاهورودور. 1989-جو ایلین سونلاریندا ایسه آذربایجان تورک میللتی‌نین آراز چایی بویونجا سرحد مانعه‌لرینی داغیدا‌راق، حسرت یاشایان باجی-قارداش‌لارین گؤروشوب قوجاقلاشماسی، پارچالانمیش آذربایجاندا آذربایجان تورک میللتینین بیرلشمه‌یه ایسته یین نئجه درین کؤک‌لره مالیک اولدوغونو بیر داها ثبوت ائتدی. بئله‌لیکله 31 دئکابر دونیادا یاشایان آذربایجان تورکونون بیرلیک و همرأیلیک سیموولونا چئوریلدی.

31  دئکابر میللی بیرلیک و همرأیلیک بایرامی کیمی آذربایجان تاریخینه دوشسه ده، هم ده بو میللتیمیزین بوتؤولوک اوغروندا آپاردیغی میللی ساواشینین سیموولیک گونو حساب ائدیلیر. آذربایجان 200 ایلدیر پارچالانمیش بیر تورک میللتی‌نین وطنی‌دیر. بو میللتین بیرلشمه ایسته یی نه قدر بؤیوک اولسا دا، قارشی‌سینی کسن مانعه‌لر ده قات-قات بؤیوک‌دور. 40 میلیونلوق گونئی آذربایجان تورکو، الی سلاحلی عیرقچی فارس رئژیمین اشغالی آلتیندا‌دیر. گونئیین موستقیل‌لیک قازانیب، بوتؤو آذربایجانین یارانماسی، بو بیرلیک بایرامینین گئرچکلشدیگی گون اولا‌جاق. بو یولدا بؤیوک میللی-سیاسی بیرلیک و همرأیلیک طلب اولونور.

آذربایجانین بیرلیگی و همرأیلیگینه اساس مانعه ایسه آذربایجان تورپاقلارینین دوشمن‌لر طرفین‌دن ایشغالدا قالماسی‌دیر. قاراباغین ایشغالدان آزاد ائدیلمه‌سی آذربایجان دؤولتی ایله یاناشی بوتون دونیادا یاشایان آذربایجان تورک میللتینین اساس آما‌لی، مقصدی و وظیفه‌سی‌دیر. لاکین قاراباغی اونوتما‌دان هر شئی‌دن اؤنجه بوتون آذربایجان تورکو بیلمه‌لی‌دیر کی، آذربایجانین بؤیوک حیسه‌سی اولان گونئی آذربایجان تام ایشغالدا‌دیر. قاراباغ مسئله‌سی ایله مشغول اولوب، آذربایجانین گونئیینی اونوتماق جدی موثبت نتیجه وئرمه‌یه‌جک. چونکی، گونئی آذربایجانین تام موستقیل اولماسی ایله آذربایجان دؤولتی رئگیوندا اساس دوشمن‌لریمیزین قارشی‌سیندا دایانا بیله‌جک بؤیوک گوجه چئوریلیب، قاراباغی دا آسانلیقلا آزاد ائده بیلر. دیگر طرفدن ایسه وط‌نین بیر پارچاسینی اؤنه چکیب دیگر داها بؤیوک پارچاسینی اونوتماق دوزگون اولماز. بؤیوک میللتیمیزین و وطنیمیزین بوتؤو‌لوگو هر شئی‌دن اؤنملی‌دیر. قاراباغین آزادلیغی گونئیین آزادلیغین‌دان کئچیر. گونئیین ده، قاراباغین دا آزادلیغینی اونوتماق اولماز و هر ایکی‌سی ده بیزه موهومدور. آذربایجان تورکونون حقیقی بیرلیگی و همرأیلیگی آذربایجانی و دؤولتیمیزی قوروماق، ائله‌جه ده وطنیمیزین بوتون حیسه‌لرینی دوشمن‌لرین الین‌دن قورتارماقدا‌ن کئچیر.

گونئی آذربایجان دموکراتیک تورک بیرلیگی (گادتب) 31 دئکابر – دونیا آذربایجانلی‌لارینین همرأیلیک گونو موناسیبتیله بوتون آذربایجان تورکلرینی تبریک ائدیب، بؤیوک میللتیمیزی آذربایجانین حقیقی بوتؤولشمه‌سی اوغروندا سعی لرینی بیرلشدیرمه‌یه چاغیریر.

 

اژدر تاغی‌زاده

گونئی آذربایجان دموکراتیک تورک بیرلیگی‌نین (گادتب) باشقانی

دوباره امتحان کنید

افزایش تاراج معادن آذربایجان: استخراج سالیانه ۹۴۷ هزار تن کانه سنگ طلا از معادن آذربایجان‌غربی

گادتب: به گزارش مرکز خبر گادتب، رژیم نژادپرست فارس در سالهای اخیراً بر غارت و …

از پیامدهای سیاستهای استعماری رژیم علیه آذربایجان: پل تاریخی ساروق در تیکان‌تپه

گادتب: به گزارش مرکز خبر گادتب، در نتیجه سیاستهای استعماری رژیم نژادپرست فارس و تبعیض …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *