گادتب-نین مطبوعات مرکزینه داخیل اولان معلوماتا گؤره، بو گون 2020-جی ایل فئورال آیینین 23-ده آوسترالیانین سیدنئی شهرینده آوسترالیا آذربایجان آسوسیاسی و گونئی آذربایجان دئموکراتیک تورک بیرلیگی (گادتب) خوجالی سویقیریمینین 28-جی ایلدؤنومو و بو دهشتلی سویقیریمین تانیتدیریلماسی ایستیقامتینده مؤهتشم آنیم تدبیری کئچیردیلر.
آوسترالیا آذربایجان آسوسیاسینین پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری سایین میکاییل اویتانین تشکیلاتچیلیغی و دعوتی ایله تورکیهنین باش کونسولو ملیح کارارال، آوسترالیالی میللت وکیللری سایین لیندا وولتز، ائلهجه ده چوخ سایلی قوناقلار تدبیرده ایشتیراک ائدیبلر. آوسترالیانین یئنی شمالی ولز پارلامئنتینین میللت وکیلی سایین هوگ مک دئرموت تدبیرده ایشتیراک ائده بیلمدیگی اوچون عذر ایستهییب و تدبیره مکتوبلا مراجعت عنوانلامیشدیر کی، سایین جئسیکا اویتا همین مکتوبو تدبیرده اوخوموشدور.
تدبیرده سایین میکاییل اویتا، تورکیهنین سیدنئیده کی باش کونسولو ملیح کارارال، میللت وکیلی لیندا خانیم وولتز، کامران ایسماعیلوو و دوغو تورکوستاندان محمت بی چیخیش ائتمیشلر. همچینین تدبیرین سونوندا آوسترالیادا آنادان اولان 7 یاشیندا آذربایجانلی قیز ایشغال اولونموش داغلیق قاراباغ اراضیسی حاقیندا دانیشیب.
سایین میکاییل اویتا و سایین سیما خانیم بیلدیرمیشلر کی، اونلارین آوسترالیا فئدئرال دؤولتیندن اساس ایستکلری اودور کی، خوجالی سویقیریمی بو دؤولت طرفیندن تانینسین. همچینین ایشغالچی و جینایتکار ائرمنیستان قوشونلارینین ایشغال ائتدیکلری اراضیلردن چیخاریلماسی مسئلهسینده آذربایجانی دستکلهسینلر.
چیخیشلار: