ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بین الخالق علاقه‌لر دئپارتامئنتینین صدری سایین میکائیل بی اویتا و گادتب مالیه دئپارتامئنتینین صدری سایین سیما خانم اییی پارتی‌نین آوسترالیا شعبه‌سی‌نین رسمی دعوتی ایله اییی پارتی‌نین سیدنئی ده کئچیریلن ییغینجاغیندا ایشتیراک ائدیب و گئنیش شکیلده چیخیش ائتمیش‌لر.
تدبیر دئکابرین 22-ده آوسترالیانین سیدنئی شهرینده کئچیریلیب.
سایین میکائیل بی اویتا چیخیشی زامانی تورک دونیاسینین بیرلیگین‌دن، چینین اویغور تورک‌لرینه شرقی تورکوستاندا ظلمو و سویقیریم تؤرتمه‌سین‌دن، ایرق‌چی فارس رئژیمین گونئی آذربایجانی ایشغالدا ساخلاماسی، 40 میلیون آذربایجان تورکونون فارس ظلمونده اولماسی، ایشغال‌چی ائرمنیستانین قوزئی آزربایجانین داغلیق قاراباغ و 7 اطراف رایون‌لارینی ایشغال ائتمه‌سی و سایر مسئله‌لردن دانیشمیش‌لار.
