پنج‌شنبه , مارس 28 2024
azfa

سایین سارا آذرسون آوسترالیانین اس بی اس کانالیندا ائرمنی‌لرین تورکلره قارشی تخریباتینا اعتراض مکتوبو-شکیل

گادتب-نین مطبوعات مرکزینه داخیل اولان معلوماتا گؤره، گونئی آذربایجان دمکراتیک تورک بیرلیگی (گادتب) مالیه و قادینلار اوزره دئپارتامئنتی نین صدری سایی سارا آذرسون آوسترالیانین اس بی اس اجتماعی تلویزیا و رادیو یاییمی قورومونا، بو کانالدا یاییم‌لانان شوودا تؤردیلمیش ائرمنی لوببی‌سی‌نین تخریباتینا جاواب اولا‌راق اعتراض مکتوبو گؤندرمیش‌دیر.

اعتراض مکتوبوندا دئییلیر:

آوسترالیا آذربایجان-تورک بیرلیگی‌نین عضوو اولا‌راق اس بی اس کانالیندا نوماییش اولونان “پاسپورت طلب اولونمور-اس2 ای2” آدلی شوودا ائرمنی‌لرین عثمانلی ایمپئریاسینا قارشی اولان یئرسیز ادعا‌لارینین عکس اولونماسی منی مأیوس ائتمیش‌دیر.  اس بی اس کانا‌لی آوسترالیانین اجتماعی تلویزیا و رادیو یاییمی قورومودور و بو سبب‌دن آوسترالیا جمعیتینده یانلیش فیکیر فورمالاشدیرماما‌لی‌دیر. همچینین بو کیمی یاییم‌لارلا سبب‌سیز یئره 150000 مین‌لیک تورک ایجماعسینی راحت‌سیز ائتمه مه‌لی‌دیر.

1915-جی ایلده باش وئرن حادثه‌لر بین الخالق تاریخی مذاکیره موضوعسودور و سیاسی لوببیچی‌لیک دئییل، فاکت و ثبوت‌لارا اساسلانا‌راق قیمتلندیریلمه‌لی‌دیر. بو گون، گوناهلاندیران طرفین اؤزلرینی تقدیم ائتمک ایمکانیندان محروم ائدیلرکن اتهامچینین کیفایت قدر دلیل تقدیم ائده بیلمه دیگی بیر تاریخی مباحثه‌میز وار. اوغورلو بیر کامپانیا، حادثه‌لرین ائرمنی وئرسیاسینی آوتوماتیک قبول ائتمه‌ین، ایجتیماعیته “اینکارچی” ائتیکئت‌لی و جاواب آختارماقدان و بیر طرف‌لی مباحثه‌یه چئوریلمک‌دن چکینن بیر حقیقت فورمالاشدیردی. سون ایللرده آوروپا اینسان حقوق‌لاری محکمه‌سینده، ائرمنی ایشینی تمثیل ائدن یوکسک سویه‌لی حقوق مصلحتچی‌سی ایله بیر سیناق ایشی دینله نیلدی. اونلارین محکمه ایشی اوغورسوز اولدو.

2008-جی ایلده تورکیه حکومتی تکلیف ائتدی کی، دونیانین مختلیف اؤلکه‌لرین‌دن اولان تاریخچی‌لر، جلب ائدیلمیش بوتون اؤلکه‌لرین آرخیو‌لرین‌دکی ایلکین دلیل‌لری قیمتلندیرسین‌لر و یالنیز بوندان سونرا دلیللره اساسلانا‌راق مسئله‌نین یئکون معیینلشدیریلمه‌سینی تکلیف ائتسین‌لر. ائرمنیستان بو ایشده ایشتیراک ائتمک و تؤحفه وئرمکدن ایمتینا ائدیب. نیه؟ 1960-1980-جی ایللر آراسیندا دلیل تقدیم ائتمک و غرضسیز تاریخچی‌لره دلیل و ثبوتلارا اساس‌انا‌راق نتیجه چیخارماق ایمکانی وئرمک اوزینه، ائرمنی دیاسپورو تئررورلا مشغول اولماغا، سیدنئیده، مئلبورندا، پاریسده، بئلچیکادا، لوس-آنجئلئسده یوزلرله مولکی شخص و دیپلوماتی قتله یئتیرمه یه قرار وئردی  نیویورک، ژنو، اوتاوا، ویانا، سوریخ، روما، مادرید، هااقا و سایر کیمی یئرلرده بئله تئررورلار تؤره دیلدی. اس بی اس نه زامانسا ائرمنی تئرروریزمینی اعتراف ائدیب و قینادیمی؟

اس بی اس بو قرارسیز تاریخی مباحثه‌نین هر ایکی طرفینی نوماییش ائتدیرمک اوچون ائفیر واختی آییرمادیغی تقدیرده، بو جور یاییم‌لار ائتمه‌سی حیله‌گر و یئرسیز حرکت‌دیر.

دوباره امتحان کنید

پاشینیان: ارمنستان «دولت در تبعید قاراباغ» را به رسمیت نمی‌شناسد

گادتب: نیکول پاشینیان، نخست‌وزیر ارمنستان، در جلسه کابینه دولت این کشور در واکنش به اظهارات …

تداوم بازداشت و بی‌خبری از وضعیت وحید اصغری، نوجوان هفده‌ساله تبریزی

گادتب: به گزارش مرکز گادتب، وحید اصغری، دانش‌آموز هفده‌ساله ساکن شهر سهند تبریز، علیرغم گذشت …

دیدگاهتان را بنویسید