ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری سایین میکاییل اویتا پرسپولیسله گونئی آزربایجانین تراختور فوتبال کومانداسی آراسیندا تهراندا کئچیریلن یاریش زامانی پرسپولیسین فارس طرفدارلارینین آذربایجان تورکلرینه قارشی ائدیلن ایرقی تحقیرلر و سؤیوش‌لرله باغلی فیفا-یا مراجعت ائدیب.
جناب اویتا مکتوبونون بیر حیسه‌سینده یازیب کی، 26 یانوار 2020-جی ایلده تهرانین آزادی استادیونوندا پرسپولیسله گونئی آزربایجانین تراختور کومانداسی آراسیندا کئچیریلن یاریشدا پرسپولیس طرفدارلاری ایران آدلانان اؤلکه‌ده آذربایجان تورکلرینه قارشی ایرقی تحقیر داورانیشینا یول وئرمیش، تورکلری ایرقی شعارلار و سؤیوش‌لرله تحقیر ائتمیش و تراختور کومانداسینین آذربایجانلی طرفدارلارینی کوتلوی شکیلده داشا توتموش‌لار.
سایین اویتا ایران آدلانان اؤلکه‌ده 40 میلیون آذربایجان تورکونون فوتبول یاریش‌لاریندا بئله ایرقی تحقیرلره معروض قالماسینی دقته چاتدیرا‌راق فیفا طرفین‌دن لازیمی آددیم‌لارین آتیلماسینی خواهیش ائدیب.
سایین میکاییل اویتانین مکتوبونون اینگیلیسجه صورتینی تقدیم ائدیریک:
