گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسی پرئزیدئنتی و گادتب بئین الخالق علاقهلر دئپارتامئنتینین صدری سایین میکاییل اویتا ائرمنیستانین آذربایجانا یئنی حربی تجاووزو ایله باغلی آوسترالیا خاریجی ایشلر ناظری سایین ماریس پاین و بیرلشمیش میللتلر تشکیلاتینین باش کاتیبینه مراجعت ائدهرک، آذربایجان حقیقتلرینی چاتدیریب و ائرمنی تجاوزونو پیسله میشلر. مکتوبدا دئییلیر:
آوسترالیا خاریجی ایشلئر ناظری ماریس پاینه!
حؤرمتلی خاریجی ایشلر ناظری!
ائرمنیستانین آذربایجانا قارشی تجاوزو ائرمنیستانین آذربایجانا و اونون اراضیلرینه قارشی داوام ائدن تجاوزو ایله باغلی سیزه یازیرام. دونیا کووید-19 پاندئمیاسینین تأثیری ایله مباریزه نی داوام ائتدیردیکجه، ائرمنیستان سلاحلی قوهلری آذربایجانی تخریباتا چکمکده داوام ائدیر. بیر گون اول، آذربایجانین توووز بؤلگهسینده ائرمنیستان و آذربایجان قوشونلاری آراسیندا باش وئرن حربی قارشیدورمالار بارهده معلومات الده ائتدیک. توووسز مؤوجود داغلیق قاراباغ بؤلگهسیندن 100 کیلومتر مصافهدهدیر و بونا گؤره ده داغلیق قاراباغ موناقیشهسی ایله علاقهلی دئییل. عصرلر بویو آزربایجانین داها چوخ اراضیسینی ضبط ائتمک جهدلرینین داوامیندا بو هجوملار بیرباشا ائرمنیستاندان آذربایجانا داخیل اولموش ائرمنی قوهلری طرفیندن حیاتا کئچیریلدی.
دونیا ائرمنی خالقینین ائرمنیستانین پاشینیان حکومتیندن ناراضیلیغیندان و اونون ایستعفاسی اوچون داواملی طلبلریندن خبرداردیر. بو یاخینلاردا آذربایجانا ائدیلن بو هوجومون پاشینیان حکومتینین اونون حکومتینه یؤنلمیش مأیوسلوغو آرادان قالدیرماق و بونون اوزینه ائرمنی خالقینا اورتاق بیر دوشمن اولان آذربایجانی خاطیرلاتماق اوچون ایستراتئژی قراری اولدوغو آیدیندیر. آذربایجانلا دؤولت سرحددینین حربیلشدیریلمهسی و مولکی یاشاییش منطقهلرینین آتشه توتولماسی بئین الخالق حقوق و نورمالارا ضد اولماقلا یاناشی، ائرمنیستان دؤولتینین تجاووزکار طبیعتینی بیر داها نوماییش ائتدیریر. بیرلشمیش میللتلر تشکیلاتی تهلوکهسیزلیک شوراسی، بیرلشمیش میللتلر تشکیلاتی باش آسامبلئیاسی و دیگر بئین الخالق تشکیلاتلار آزربایجانین ایشغال اولونموش اراضیلرینین 20 فایزینین، او جملهدن داغلیق قاراباغ بؤلگهسینین درحال و قئید-شرطسیز آزاد ائدیلمهسینی طلب ائدن موافیق قطنامهلر قبول ائتسهلر ده، ائرمنیستان ایشغالچیلیق سیاستینی داوام ائتدیریر.
آزربایجانین توووز رایونونداکی ائرمنی تخریباتی، ائرمنیستانین بئین الخالق حقوق و ریاکارلیغا قارشی ایکی اوزلولوگونون داها بیر نوماییشیدیر، گویا بیرلشمیش میللتلر تشکیلاتی باش کاتیبینین کووید-19 ایله علاقهدار بوتون موناقیشه و محاربهلره سون قویما چاغیریشینی دستکله ییر. ائرمنیستانین مختلیف تخریباتلارینا باخمایاراق، آذربایجان دؤولتی هر زامان صلحو دستکله دیگینی بیلدیرمیشدیر. عینی زاماندا، اراضیلرینی ایشغالدان آزاد ائتمک و وطنداشلارینین تهلوکهسیزلیگینی قوروماق اوچون موستثنا حقوقونو اؤزونده ساخلاییر. ائرمنی تخریباتی آذربایجان اوردوسونو قیصاص تدبیرلری گؤرمهیه مجبور ائدیر. نتیجهده اونلارلا ائرمنی آناسی هر دفعه آغلاییر. آذربایجان حکومتی دفعهلرله قان تؤکولمهسینه قارشی اولدوغونو بیلدیردی و ائرمنی خالقی بوندان عبرت گؤتورمهلیدیر. توووزدا باش وئرنلر بیر قروپ ائرمنینین اؤز ماراقلارینا اویغون حرکت ائدهرک ائرمنی خالقینی فاجعهیه سوروکله دیگینین باشقا بیر نومونهسیدیر. ائرمنیستان و ائرمنیلر باشا دوشمهلیدیرلر کی، آذربایجان اوردوسو هر زامان اونلارین بوتون تخریباتلارینا آدئکوات جاواب وئرمهیه حاضردیر.
بیرلشمیش میللتلر تشکیلاتینین سوبیئکتی اولان هر هانسی بیر دؤولتین اراضیسینین ایشغالی و بیرلشمیش میللتلر تشکیلاتی طرفیندن همین ایشغالین قئید-شرطسیز آرادان قالدیریلماسینا دایر چیخاریلان قطعنامهلرین ایجرا ائدیلمه مهسی و بونا، ائلهجه ده سووئرئن بیر دؤولتین اراضیسینین ایشغالینا بئین الخالق تشکیلاتلار و سوپئر گوجلر طرفیندن گؤز یومولماسی بئین الخالق حقوقو تامامیله یارارسیز حالا سالیب. بو دا حاضیرکی بحرانلی دونیا دوزهنینده روسیا و چین کیمی اینسان حاقلاری و بئین الخالق حقوقا سایقی گؤسترمهین دؤولتلرین دیگر سووئرئن دؤولتلرین اراضیسینه هجوم ائدیب، ایشغال ائتمهسینه یول آچماقدادیر. ائرمنیستانین آذربایجان تورپاقلارینی ایشغال ائتمهسی فاکتینا دا دونیا ایجتیماعیتی طرفیندن گؤز یومولماسی بئین الخالق حقوقا حؤرمت ائتمهین دؤولتلر طرفیندن دؤولتلرین سووئرئنلیگینی تهلوکه قارشیسینا قویماسینا یول آچمیشدیر. آوروپا شوراسینی بو تخریباتا و ائرمنیستان-آذربایجان موناقیشهسینه بیگانه اولدوغونا گؤره قیناییریق. بوتؤولوکده 55 میلیونلوق آذربایجان خالقی داغلیق قاراباغلا علاقهدار آزربایجانین آرخاسیندا گوجلو شکیلده دایانیر و آذربایجان حکومتینه و اوردوسونا آذربایجان خالقینا و تورپاقلارینا قارشی هر جور تجاووزه قارشی چیخیریق. اومید ائدیریک کی، آزربایجانین تورپاقلاری گئری قایتاریلیر و بؤلگهدکی ائرمنیستان تجاووزونه سون قویولاجاق.
حؤرمتله
میکاییل اویتا
آوسترالیا آذربایجان آسوسیاسی پرئزیدئنتی
سایین میکاییل اویتا همچینین عینی مضموندا بیرلشمیش میللتلر تشکیلاتینین باش کاتیبینه ده مراجعت ائدیب. مکتوبلارین اینگیلیسجه متنینی تقدیم ائدیریک: