ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، گونئي آذربايجان دئموکراتيک تورک بيرليگينين (گادتب) بين الخالق علاقه لر دئپارتامئنتينين صدري سايين ميکائيل اويتا گونئي آذربايجان و ايران آدلانان اؤلکه‌ده اهالينين دينج اعتيراضلارينين ايرانين فارس-موللا رئژيمي طرفيندن قانلا بوغولماسي ايله باغلي بین الخالق میللتلر تشکیلاتینین صلح مراملی قووه‌لرينه مراجيعت ائديب.
مراجيعتين بير حيصه سينده دئييلير: “بير هفته‌دن چوخ 100-دن آرتيق شهرده اعتيراضلار باشلاديغي اوچون اؤلکه‌ده فارس-موللا رئژيمي اينترنتی تاماميله کسيب. آلديغيميز معلوماتا گؤره تکجه گونئي آذربايجانين تبريز و باشقا شهرلرينده 700-دن چوخ گوناهسيز اينسان ياخالانيب. عموميليکده جينايتکار موللا رئژيمينين 100-دن چوخ سيويل اعتيراضچينين بيرباشا اودلو سيلاحدان آتش آچماقلا اؤلدورولدويو تصديق ائديليب.
1925-جي ايلده قاجارلارين مماليکي محروسه اؤلکه‌سينده رضا خانين چئوريليشي ايله شووينيست رئژيم حاکيميته گليب و غيري-فارسلاري ان ابتدائی حقوقلاريندان محروم ائديب. 1979-جو ايل ايسلام اينقيلابيندان سونرا حاکيميتي اله آلان موللا رئژيمي ده پهلويلرين شووينيزم سياستيني داوام ائتديريب. اونا گؤره سون اعتيراضلاردا گونئي آذربايجان تورکلري، قاشقايلار، بلوچلار، عربلر و سایر غئيري-فارس ميللتلر اؤز شعارلاري و بايراقلاري ايله اعتيراضا قوشولموشلار.
گونئي آذربايجانين تبريز، اورميا و باشقا شهرلرينده آذربايجانليلار اؤز بايراقلاريني دالغالانديريب و اعتيراضلاردا اؤز ميللي ايستکلريني سسلنديريبلر. لاکين موللا رئژيمي بوتون خالقلارين دينج اعتيراضيني وحشيجه‌سينه ياتيرماق مقصديله اودلو سيلاح دان ايستيفاده ائديب.
بونا گؤره ده بيز بین الخالق میللتلر تشکیلاتینا موراجيعت ائده‌رک، بین الخالق میللتلر تشکیلاتینین صلح مراملي قووه‌لرينين تئررورچو موللا رئژيمينين الي يالين خالقيميزين دينج اعتيراضيني سيلاحلي هجوملا بوغماسي قارشيسيندا يارديم و مداخيله‌يه چاغيريريق. بو تئررورچو و کريمينال رئژيمين سيلاحلي هوجومو قارشيسيندا بین الخالق میللتلر تشکیلاتینین اؤز صولح مراملي قووه‌لريني اؤلکه‌يه گتيريب ميللتلري، خصوصيله گونئي آذربايجان اهاليسيني محافيظه ائتمه‌سيني خواهيش ائديريک.”
ميکائيل اويتا
گونئي آذربايجان دئموکراتيک تورک بيرليگي (گادتب) بين الخالق علاقه لر دئپارتامئنتينين صدري
مکتوبون انگیلیسجه متنی:
