گادتب: ایشغالچی ائرمنیستان بئین الخالق حقوقون بوتون نورمالارینی پوزاراق آذربایجانین بئین الخالق سویهده تانینان اراضیلرینین داغلیق قاراباغ دا داخیل اولماقلا 20 فایزینی 30 ایله یاخیندیر ایشغالدا ساخلاییر. ائرمنیستان ایشغال ائتدیگی آذربایجان اراضیلرینده سویقیریم و ائتنیک تمیزلمه حیاتا کئچیریب. نتیجهده بیر میلیوندان آرتیق آذربایجانلی اؤز یورد-یوواسیندان دیدرگین دوشوب. بیرلشمیش میللتلر تشکیلاتینین تهلوکهسیزلیک شوراسینین ایشغالچی ائرمنیستان اوردوسونون درحال و قئید-شرطسیز آزربایجانین ایشغال اولونموش اراضیلرینی بوشالتماسی صرورتی حاقیندا 4 قطعنامهسی 27 ایلدیر ائرمنیستانین غئیری-کونستروکتیو موقعیی اوزوندن اجرا ائدیلمیر. همچینین دونیانین دیگر معتبر بئین الخالق تشکیلاتلارینین دا اوخشار قطعنامهلری اجرا ائدیلمیر. عینی زاماندا ایشغالچی ائرمنیستان مختلیف تخریباتلار تؤرتمکله صلح پروسئسینی اوزاتماغا جهد گؤستریر. آرتیق ائرمنیستانین غئیری-کونستروکتیو موقعیی نتیجهسینده مناقیشهنین مذاکیره یولو ایله حلی پروسئسی تمامیله دایانیب.
ایشغالچی ائرمنیستان همچینین ایشغال ائتدیکلری آذربایجان اراضیلرینده سوریا، لیوان، عیراق و سایر اؤلکهلردن گتیردیکلری ائرمنیلری قانونسوز شکیلده مسکونلاشدیریر. عینی زاماندا پ ک ک، آسالا و سایر تئررور تشکیلاتلارینی آزربایجانین داغلیق قاراباغ و ایشغال اولونموش دیگر بؤلگهلرینه یئرلشدیریب و تئز-تئز تئررور و تخریبات تؤرتمکله آزربایجانین دینج اهالیسینی اؤلدورور. آذربایجان حاقلی اولاراق هم بیرلشمیش میللتلر تشکیلاتینین تهلوکهسیزلیک شوراسینین، ائلهجه ده دیگر بئین الخالق تشکیلاتلارین قئید ائتدیگیمیز قطنامهلرینی ایجرا ائتمهلی و هم ده ایشغالچی ائرمنیستان طرفیندن تئررور یوواسینا چئوریلمیش ایشغال اولونموش اراضیلرینی تئررورچولاردان تمیزلمهلیدیر. بو بئین الخالق حقوقون بوتون نورما و پرینسیپلرینه اویغوندور.
گونئی آذربایجان دئموکراتیک تورک بیرلیگی (گادتب) حازضیرکی دؤورده آذربایجان اوردوسونون ائرمنیلرین آزربایجانین ایشغال اولونموش اراضیلرینده یئنی حربی تجاووزونه و آزربایجانین دینج اهالیسینه قارشی تئررور و تخریبات تؤرتمهلرینه قطعیتلی جوابی و عکس هوجومونو چوخ دوزگون آددیم کیمی دیرلندیریر. گادتب بو ایستیقامتده آذربایجان اوردوسونون آزربایجانین ایشغال اولونموش اراضیلرینی آنتیتئررور عملیاتی ایله تئررورچولاردان تمیزلهییب آزاد ائتمهسینی دوزگون و بئین الخالق حقوقون نورمالارینا اویغون آددیم کیمی دستکلییر. بو حاق ایشده آذربایجان دؤولتینین و آذربایجان اوردوسونون یانینداییق و اونلارا اوغور دیله ییریک.
اژدر تاغیزاده گونئی آذربایجان دئموکراتیک تورک بیرلیگی (گادتب) باشقانی