ادتاج اتحادیه دمکراتیک ترک آذربایجان جنوبی
گادتب: عيرقچي فارس-موللا رئژيمي تکجه ايران آدلانان اؤلکه‌ده خالقلاري قانينا بوياماقلا کيفايتلنمه‌ييب، ايندي ده قونشو اؤلکه‌لرده، او جومله‌دن عراقدا حشدشعبي کيمي تئررورچي دسته‌لر تشکيل ائتمکله بؤلگه اؤلکه‌لرينين گوناه سيز اهاليسينين آزادليق مباريزه‌سيني و حاق سسيني بوغوب، اؤزونه باغلي قوندارما رئژيملرين رئگيون اهاليسيني اسارتده ساخلاماسينا شرایط یارادیر.
بو گون عراق اهاليسینين اؤز اؤلکه‌سينده عيرقچي و جينايتکار فارس رئژيمین گؤستريشي ايله، بو رئژيمين فورماشاديرديغي تئررورچو حشدشعبي واسيطه‌سيله قانينا غلتان ائديلمه‌سي، اونلارلا اينسانين قتل عامی، مين لرله اينسانين يارالانماسي بير داها فارس-موللا رئژيمي نین نئجه بير جينايتکار رئژيم اولدوغونو دونيا ايجتيماعيتينین گؤزو اؤنونده سرگیله دی.
گونئي آذربايجان دئموکراتيک تورک بيرليگي (گادتب) دونيا ايجتيماعيتينه سسلنه‌رک عيرقچي و جينايتکار فارس-موللا رئژيمينين هم ايران آدلانان اؤلکه‌ده غئيري-فارس ميللتلره و اؤزلليکله ده آذربايجان تورکلرينه قارشي ظولمو، هم ده بوتون رئگيون اؤلکه‌لري، او جومله‌دن عراقدا، سوريیادا، يمن ده و سایر اؤلکه‌لرده گوناه سيز اينسانلاري قانينا غلتان ائتمه‌سي قارشيسيندا سوسماماغا و ظولمه معروض قالان ميللتلرين يانيندا اولماغا چاغيرير.
گادتب عراقدا گوناه سيز اينسانلاري فارس-موللا رئژيمين ال آلتيلاري واسيطه‌سيله قتل عاميني پيسله‌مکله، اينانير کي، يالنيز عيرقچي فارس-موللا رئژيمينين اسارتينده اولان ميللتلرين اؤز ايستيقلاليني الده ائتمه‌سي نتيجه‌سينده عيرقچي و جينايتکار فارس رئژيمي ضعيفله‌ييب، باشقا ميللتلره قارشي داها بئله جينايتلر تؤرتمه‌يه قادير اولماياجاق. اونا گؤره ده دونيا اجتماعیتینین بؤيوک بير بلادان قورتارماسي اوچون اؤز حاقلاري اوغروندا مباريزه آپاران آذربايجان تورکونون يانيندا اولماسي بوتون دونيا اوچون خئييرلي اولاجاق.
گونئي آذربايجان دئموکراتيک تورک بيرليگي (گادتب)
