جمعه , مارس 29 2024
azfa

گونئي آذربايجان دئموکراتيک تورک بيرليگينين (گادتب) فارس-موللا رئژيمينين آذربايجان فعاللارينا قارشي رئپرئسيا سياستي باره‌ده بيلديريشي

گادتب: عيرقچي فارس-موللا رئژيمي سون ايللرده، خصوصيله جاري ايلده اؤزونون ايچ اوزونو آچيب و آذربايجان تورک ميلتينه قارشي حقيقي صيفتيني بوروزه وئرمه‌يه باشلاميشدير. آرتيق آذربايجانا و آذربايجانين تورک ميلتينين فعاللارينا قارشي رئژيمين آقرئسياسي و دوشمن سياستيني گؤرن هر هانسي بي طرف شخص ده عيرقچي فارس-موللا رئژيمين گئرچکدن آذربايجانين و آذربايجان تورک ميلتينين قانلي دوشمني اولدوغو قناعتينه گلر.

عيرقچي فارس-موللا رئژيمي آذربايجانلا دوشمنچيليگي او سوييه‌يه چاتديريب کي، اوزرينده “هاراي-هاراي من تورکم” يازيلميش بير شعارا گؤره، آذربايجان گنجي کاظم صفابخشه 13 ايل حبس جزاسي وئرير. بو گونلرده ايسه هئچ بير گوناهي اولمايان و يالنيز مدني فعاليتلرله ميلتيميزين حقوقلاريني مودافيعه ائدن تانينميش آذربايجانلي فعال عباس ليسانييه 8 ايل حبس و 2 ايل عاييله سيله بيرليکده سورگون قراري چيخاريب. آنتي آذربايجان رئژيم اونسوز دا گوناهسيز حبسه سالينميش و حبس مدتي سونا چاتميش سيامک ميرزايیني شرله‌مکله اونا يئني ساختا ايتيهاملار ايره‌لي سوروب و آذربايجانين بو گنجيني ده حبسده چوروتمگي قارشييا مقصد قويوب. اوسته ليک سون ايللره نظر سالديقدا سعيد متين پورون 8 ايل گوناهسيز حبسده ساخلانماسي، لطيف حسني يه قانون چرچيوه‌سينده آذربايجان ميللتينين حقوقلاري اوغروندا چاليشديغي اوچون 9 ايل، عليرضا فرشي يه 10 ايل، اکبر آزادا 10 ايل، حميد معنافي يه 10 ايل، بهنام شئيخي يه 10 ايل، امير ستاري يه 5 ايل و سایر فعاللارا دا اوزون ايللر حبس جزاسي وئرميشدير. آرتيق جاري ايلده رئژيمين آذربايجان تورک ميلتينده قارشي آچيق و کسکين رئپرئسيايا و دوشمنچيلييه کئچديگي گؤز قاباغيندادير.

دونيانين هئچ بير يئرينده دينج اهالیيه و اؤز ميللتينين تاپدانميش حقوقلاري اوغروندا دينج مباريزه آپاران فعاللارا عيرقچي فارس رئژيمي قدر قدّار و دوشمنجه‌سينه ياناشان ايکينجي رئژيم تاپماق مومکون دئييلدير. آرتيق عيرقچي فارس-موللا رئژيمي گونئي آذربايجانا و اونون فعاللارينا قارشي اعلان اولونماميش بير ساواش آچيب و هئچ بير گوناهي اولمايان فعاللارا آغير حبس جزالاري وئرمکله اونلاري زيندانلاردا چورودوب، آذربايجانين قانلي دوشمني اولدوغونو آچيق شکيلده ثوبوت ائتمکده‌دير. بونون اؤزو ايسه بيزيم مانقورتلاريميزا و يا هله ده اؤزونو مانقورتلوغا ووروب، قان دوشمنلري اولان عيرقچي فارس رئژيمينه نؤکرچيليک ائدنلره آچيق مئساژدي. اونلار آنلاماليديرلار کي، رئژيمه هر نؤو قوللوق اؤز کؤکونو قازيب محو ائتمکدن باشقا بير شئي دئييلدير.

گونئي آذربايجان دئموکراتيک تورک بيرليگي (گادتب) عيرقچي فارس-موللا رئژيمين آذربايجان تورک ميللتي و اونون فعاللارينا قارشي رئپرئسييالاريني پيسله‌مکله بوتون آذربايجانلي سياسي محبوسلاري دستکله‌يير. اينانيريق کي، رئژيمين سون آقرئسسيياسي و آذربايجانا قارشي آپارديغي رئپرئسييا سياستي ميلتيميزين موستقلليک اوغروندا عزميني داها دا محکملنديريب و اونلاري موستقيلليگين آذربايجانين يئگانه يولو اولدوغونا امين ائده‌جک.

اژدر تاغيزاده

گونئي آذربايجان دئموکراتيک تورک بيرليگينين (گادتب)

دوباره امتحان کنید

ترکیه ششمین کشور برتر اروپا در فروش خودروهای برقی است

گادتب: ترکیه در عرصه فروش خودروهای برقی پس از برخی از کشورهای اتحادیه اروپا در …

مرگ مشکوک سارا تبریزی پس از احضار به اطلاعات

گادتب: به گزارش مرکز گادتب، سارا تبریزی ۲۰ ساله ۴ فروردین به وزارت اطلاعات احضار …

دیدگاهتان را بنویسید