گادتب: ديرلي گونئي آذربايجان تورکلري، گونئي آذربايجان فعاللاري!
ايران آدلانان اؤلکهده ايصلاحاتچيلار و شاهچيلار قدر ايرتيجاعچي موللا رئژيمي ده گونئي آذربايجانين و گونئي آذربايجان تورکونون دوشمنيدير. هم پهلوی رژیمی، هم ده ملا رژیمی آذربایجایجان تورک میللتینی سویقیریما معروض قویوب. آذربايجان تورکو بونلارين هاميسينين ظلمونو تجروبه ائديب و يارانان هر فرصتده اؤز آزادليغي و موستقيلليگي اوچون چاليشماليدير.
بو گون ايرتيجاعچي موللا رئژيمينين داياقلارينين لاخلاديغي واختدا آذربايجان تورک ميللتي اؤز موستقيلليگيني الده ائتمک اوچون يارانان فرصتدن دوزگون يارارلانماليدير. موختليف خالقلارين اعتيراضلارا باشلاديغي واختدا آذربايجانين اؤزونون کناردا ساخلاماسي، موللا رئژيمينه يارديم ائتمکله ياناشي، هم ده ايستيقلال مباريزهسينده لازيمي فعالليغين يارانماماسينا گتيريب چيخارا بيلر. يارانان بو فرصتده آنجاق ايرتيجاعچي موللا رئژيمينين تهلوکه سيزليک اورگانلاري آذربايجاني بو اعتيراضلاردان کناردا ساخلاماق اوچون گونئي آذربايجانا سوسقونلوق تاکتيکاسيني آشيلايا بيلر.
گونئي آذربايجان البته فارس و ديگر خالقلارين آرخاسينجا گئتنمهليدير. لاکين گونئي آذربايجانين اؤز يولو واردير و او دا موستقيلليک يولودور. گونئي آذربايجان اؤز مقصدي و اؤز شعارلاري ايله دايم مئيداندا اولمالي و آپاريجي قوووهيه چئوريلمهليدير. بئله اولماديغي تقديرده دوشمن قووهلر ميللي حرکاتين يئريني توتا بيلر. هم ده آذربايجانين سوسقونلوغو آنتي آذربايجان قووهلرين، او جوملهدن ده شاهچي، ايصلاحاتچي و سایر قووهلرين آذربايجانا آياق آچماسينا گتيريب چيخارار.
موستقيلليک کيمي طالع يوکلو مسئلهيه هر زامان شرايط اولمور. اونا گؤره ده يارانان بو فرصتي الدن بوراخماماق لازيمدير. يارانان بو فرصتده گونئي آذربايجان تورکو يالنيز اؤز شعارلاري و بوتون گوجو ايله، اؤز مقصدي اوغروندا مئيدانلاردا اولماقلا گونئي آذربايجاني آزادليغا و موستقيللييه چاتديرا بيلر. گونئي آذربايجان اؤز آيدين گله جه یي اوچون عيرقچي و ايشغالچي فارس رئژيمينه و اونون اوزدن ايراق مخاليفتينه يوخ دئديگي کيمي سوسقونلوق تاکتيکاسيني آشيلايانلايانلارا دا يوخ دئمهلي و صيرف گونئي آذربايجانين موستقيلليگي اوچون کوتلوي اعتيراضلارا باشلاماليدير.
اژدر تاغيزاده
گونئي آذربايجان دئموکراتيک تورک بيرليگينين (گادتب) باشقاني