گادتب: سلام اولسون دگرلی سویداشلاریما، وطن داشلاریما!
گنج و مستقيل آذربايجانين اوغورلاري سيراسينا تاريخي تورک دنيزي اولان خزر دنيزينين بؤلگوسو و حقوقي استاتوسونون معينلشديريلمهسينده الده ائتديگي اوغورلار دا يازيلدي. آذربايجان رئسپوبليکاسينين خزرده اؤز پايينا لاييقينجه صاحيب چيخماسي و خزردکي ثروتلريندن دوزگون يارارلاناراق، اؤلکهني اينکيشاف ائتديرمهسي هئچ کيمه سيرّ دئييلدير. آرتيق آذربايجاني ايسته مه ين دوشمن اؤلکهلر و قووهلر ده اؤلکهميزين بو اوغورلارينا اعتيراف ائديرلر.
آذربايجان رئسپوبليکاسي سووئت ايتّيفاقينين داغيلماسيندان سونرا ايلک دفعه اولاراق، خزر دنيزيني دونيايا آچدي و عصرين مقاويلهسيني باغلادي. بونونلا دا ميلتيميز اؤز ثروتلريندن دوزگون فايدالانماقلا آذربايجاني رگيونون آپاريجي دؤولتينه چئويرديلر.
ايندي ايسه آذربايجان رئسپوبليکاسينين موستقيلليگينين 26-جي ايلدؤنومونده خزر دنيزينده لاييقينجه اؤز حاقينا صاحيب چيخماسي هر بير آذربايجان تورکو اوچون غرور وئريجي حالدير. سؤزسوز کي، آذربايجان رئسپوبليکاسينين بو اوغورلاري اؤلکهميزين قوزئي حيصه سينين موستقيلليگي ايله باغليدير. بو معنادا مستقيل آذربايجان رئسپوبليکاسينين بوتون بو اوغورلارينين گونئي آذربايجانين موستقيلليک اوغروندا مباريزهسينه ايلهام قايناغي اولماسي کيمسهيه سيرّ دئييلدير.
تصادوفي دئييلدير کي، گونئي آذربايجاندا ميلتيميز خزر دنيزين بؤلونمهسينده و خزرين حقوقي استاتوسونون معينلشمهسينه سئوينير، آنتي آذربايجان قووهلر، او جملهدن فارس شووينيستلري و ائرمنيلر غضبلنهرک، بو آنلاشماني اؤزلري اوچون ايکينجی تورکمنچاي کيمي قلمه وئريرلر.
عيرقچي دونياگؤروشونه ماليک اولان فارس ميلتچيلري آذربايجانا عاييد مادّي و معنوي هر بير شئيي منيمسمهيه و اؤزلرينينکي کيمي تقديم ائتمهيه چاليشيرلار. بو ايستيقامتده تاريخي تورک دنيزي اولان خزره ده 50 فايیز پاي ادعا ائتمهيه چاليشير. لاکين قارشيسيندا تورک رئالليغيني گؤرندن سونرا آنلاماليديرلار کي، الده ائتديکلري 11 فايز پاي دا تام ايشغالچي فارس رئژيمين دئييل و همين پايين بؤيوک حيصه سي خزرين جنوب-غربينده گونئي آذربايجان، جنوب-شرقينده ايسه تورکمنلرين پايينا دوشمهليدير. يالنيز 4-5 فايز پاي مازندران اراضيسينه دوشور.
گونئي آذربايجان و گونئي تورکمنيستان موستقيلليگيني الده ائتمکله سؤزسوز کي، 11 فايیزين ده بؤيوک حيصه سي يئنه آذربايجانا و تورک دونياسينا قاييداجاق.
گونئي آذربايجان دئموکراتيک تورک بيرليگي (گادتب) مستقيل آذربايجانيميزين اوغورلارينا سئوينير و بو اوغورلار موناسيبتيله آذربايجان تورک ميلتيني تبريک ائدير.
ميکاييل اويتا
گونئي آذربايجان دئموکراتيک تورک بيرليگينين (گادتب) بين الخالق علاقه لر دپارتامئنتينين صدري