پنج‌شنبه , مارس 28 2024
azfa

گونئی آذربایجان ایستیقلالچیلار بیرلیگینین (گایب) 31 دئکابر – دونیا آذربایجانلیلارینین همرأیلیک گونو مناسیبتیله تبریک مئساژی

گادتب: ۳۱ دئسامبر آذربایجانلیلارین بیرلیک و همرأیلیک گونودور. ۱۹۸۹-نجو ایلین  دئسامبر آیی نین ۳۱ ـ ی (چیلله ـ۱۰ دئی ) آذربایجانیمیزین کئچه ن  ۲۰۰ ایللیک تاریخینده  ان موهوم  و رمزی گونلرینده ن بیری ساییلیر. بو ۲۰۰ ایل یادلارین موستملکه چیلیک و میللتیمیزی بیرـ بیرینه یادلاشدیرما سیاستلری نین قارشی سیندا جانلی بیر اعتیراض نوماییشی ایدی. میللتیمیزین حسرت، ایستک و ایده آللاریندان دوغان بیر حرکت ایدی.

اوکتوبر آیی نین ۳ـ ده  آلمانیانین اورتاسیندان چکیلمیش بئرلین دیواری نین ییخیلماسی کیمی، آذربایجانیمیزدا دا ۳ آی سونرا آراز بویو چکیلن سرحد مانعه لرینین سرحد بویونجا میللتیمیزین ایراده سیله ییخیلماسینین شاهیدی اولدوق . میللتیمیز اؤز الیله سرحد مانعه لرینی  سؤکوب، میللتیمیزین اوره یی اوستونه تیکیلمیش سرحد دیره کلرینی اودلاییب، تیکانلی مفتیللری قالدیریب، قارداشلیق ـ باجیلیق هارای لارینی  آرازین هر ایکی تاییندا سسلندیردیلر. چیلله آیی نین سویوق گونلرینده اؤزلرینی آراز سولارینا  ووروب، اوزه رک بیرـ بیرلری ایله  قوجاقلاشدیلار. بو میللتیمیزین اوره یینده کؤک سالمیش آیریلیق حسرتلری نین گؤسترگه سی ایدی. بو آذربایجان میللتی نین تاریخینده بؤیوک رمزی اهمییته مالیکدیر. بو صحنه لری آلمانیانین تانینمیش ژورنالیستی پئتئر شورلاتور رنگلی فوتولار شکلینده  سندلشدیرمیشدیر.

چوخ کئچمه دن دئسامبر آیی نین ۱۶-سیندا ناخچیوان عالی مجلیسی بوگون «آذربایجانلیلارین بیرلیک و همرأی لیک» گونو اولاراق قبول ائدیب، آذربایجان پارلئمئنتوسونا بو حاقدا بیر تکیف له موراجیعت ائتمیشدیر. نهایت آذربایجان  پارلئمئنتوسونون میللی شوراسی، ناخچیوان مجلیسی نین میللی شوراسی ایله بیرگه بو تکلیفی بیر «قانون تاسلاغی» )لایحه سی( کیمی آذربایجان پارلئمئنتوسونا گتیرمیشدیر. و دئسامبر آیی نین ۲۵-ده آذربایجان پارلئمئنتوسو بو حاقدا قرار قبول ائتمیشدیر. بو قرار آذربایجانیمیزین کئچه ن ایکی یوز ایللیک تاریخینده ان موهوم قرار و تکلیف لردن ساییلیر.

دوشمنلرین بیزی یادلاشدیرما چابالاvینا باخمییاراق میللتیمیز بو تاریخی حرکتی ایله بو میللتین و بو وطنین بوتؤو اولدوغونو عملده نوماییش ائتدیرمیشلر.

خاطیرلاتماق لازیمدیرکی، آلماندا بئرلین دیواری چکیلدیکده، شرقی بئرلین اهالیسی نین اعتیراضلاری روس تانکلاری آلتیندا یوخ ائدیلدی. بو تاریخ غربی آلماندا «آلمانلیلارین بیرلیک گونو» کیمی قئید ائدیلیردی.

۳۱ دئسامبر دا بئله بیر تاریخی اهمییته مالیکدیر. بو گله جکده  یادلارین الیله پارچالانمیش وطنیمیزین  بیرلشدیریلمه سی یولوندا آتیلان تاریخی بیر آددیم دیر. یئری گلمیشکن بونو دا قئید ائتمه میز لازیمدیرکی، بوگون یالنیز قاراباغ، ایروان خانلیغی، دربند و بورچالی  یادلارین ایشغالیندا دئییلدیر. بلکه آذربایجامینیزین ان بویوک حیصه سی اولان گونئی آذربایجانیمیز عیرقچی فارس و تئروریستلرین موستملکه سی آلتیندا یاشاماقدادیر. آنجاق و آنجاق  بو موستملکه یه سون قویولدوقدا ایشغال اولونموش باشقا تاریخی اراضیلریمیزی آزاد ائتمک مومکوندور.

۳۱ دئسامبری طنطنه لی شکیلده قئید ائتمک، اونون میللتیمیز اوچون اولان اهمیتینی اونوتماماق هر بیر آذربایجان وطنداشی نین وظیفه سیدیر. بیز ایستیقلالچیلار آدیندان بو گونو بوتوو آذربایجان میللتینه هارادا یاشاماسیندان آسیلی اولمایاراق تبریک دئییریک.

عشق اولسون ۳۱ دئسامبری یارادان اینسانلارا !

وار اولسون واحید مستقیل آذربایجان جمهورییتی !

 

دوباره امتحان کنید

پاشینیان: ارمنستان «دولت در تبعید قاراباغ» را به رسمیت نمی‌شناسد

گادتب: نیکول پاشینیان، نخست‌وزیر ارمنستان، در جلسه کابینه دولت این کشور در واکنش به اظهارات …

تداوم بازداشت و بی‌خبری از وضعیت وحید اصغری، نوجوان هفده‌ساله تبریزی

گادتب: به گزارش مرکز گادتب، وحید اصغری، دانش‌آموز هفده‌ساله ساکن شهر سهند تبریز، علیرغم گذشت …

دیدگاهتان را بنویسید