Cümə , Avqust 14 2020
azfa

Fars mütəmləkəçiliyinin nəticələrindən; Şərqi Azərbaycanın 760 kəndinə içməli su şəbəkəsi çəkilməyib

GADTB-nin Mətbuat Mərkəzinə daxil olan məlumata görə, irqçi fars rejimin Güney Azərbaycanda müstəmləkəçiliyinin dəhşətli nəticələri bütün sahələrdə özünü göstərir. Bu nəticələr o qədər dəhşətli olur ki, rejimin yerli rəsmiləri də etiraf etməyə məcbur olurlar.

Şərqi Azərbaycan valiliyinin kəndlər üzrə şöbəsinin müdiri Tağı Kərəmi 760 kəndinə içməli su şəbəkəsinə malik olmadığına etiraf edərək deyib ki, vilayətin 3077 kəndindən 2709 kənddə əhali yaşayır. Bu kəndlərin isə yalnız 72 faizi su şəbəkəsi ilə təchiz olunub.

Tağı Kərəmi iddia edib ki, son illərdə kəndlərdə zəruri infrastruktur yaradılır və nəticədə kənd əhalisinin şəhərlərə köç etməsinin qarşısının alınıb. Lakin rəsmi statistikalar göstərir ki, Güney Azərbaycanda kəndlərdə yaşayan əhali infrastrukturun olmaması, eləcə də iqtisadi problemlər üzündən ata-baba yurdunu tədricən tərk edir və işləmək üçün şəhərlərə köçürlər. Nəticədə hər il onlarla kənd əhalidən boşalır. Bu məsələ ilə əlaqədar artıq Şərqi Azərbaycan vilayətinin 368 kəndində yaşayış yoxdur.

Qeyd edək ki, belə acınacaqlı vəziyyət Güney Azərbaycanın digər vilayətlərində də mövcuddur.

Qərbi Azərbaycan vilayətinin Su idarəsinin rəisi Əlirza Rəzəvi bu vilayətin kəndlərinin əhalinin 24 faizinin keyfiyyətli içməli sudan məhrum olduğuna etiraf etmişdir. Zəncan, Ərdəbil, Həmədan və digər Güney Azərbaycan vilayətləri də bu sahədə acınacaqlı vəziyyətdədirlər.

Həmçinin yoxlayın

Rejimin Ərdəbildəki baş prokuroru siyasi məhbus Abbas Lisanini yas mərasiminə buraxmayıb

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildəki baş prokuroru Abdulla Təbatəbayi …

Türkiyə ZAHA hərbi maşınını təqdim etdi

GADTB-nin Mətbuat Mərkəzinə daxil olan məlumata görə, ZAHA zirehli amfibiya hücum vasitəsi yaxın zamanda Türkiyə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir