GADTB Güney Azərbaycan Demokratik Türk Birliyi
GADTB: Canab İlham Əliyev,
Sizin liderliyinizdə, bu günlərdə ardı-ardına gələn qarabağ xəbərləri bütün soydaşlarımızın qürur qaynağı olmuşdur.
Sizin baş kamandanlığınızda Qarabağımızın küskün xarı bülbülü gülməyə başlamışdır.
Bir neçə gün öncə Cabrayıl, Füzuli, bu gün isə Zəngilan və yüzlərcə yaşayış bölgəsi 30 illik işğaldan azad olmuşdur. Sizin öndərliyinizdə qəhrəman ordumuzun irəliləyişi sürür.
Sözsüz ki, sizin inamlı duruşunuzdan ilham alan millətimiz və modern ordumuzun terror dövlətinə qarşı son zəfəri çox yaxındır.
Biz GADTB olaraq hər zaman sizin dünya azərbaycanlılar qurultayında səsləndirdiyiniz “Mən 50 milyonluq Azərbayçan prezidentiyəm” strategiyasının ön açarı kimi canımızdan dəyərli Qarabağımızın ana vətənə qayıtmasında görmüşük.
Artıq Azərbaycan türk milləti əmindir ki, yaxın günlərdə öz prezidenti ilə birlikdə Şuşanın da, Kəlbəcərin də, bütün Qarabağımızın da azadlığını Bakımızdan, əsir Təbrizimizdən, Ankaramızdan bütün dünyaya duyduracayıq.
Dəyərli prezidentimiz, sizi 60 milyonluq Azərbaycan türk milləti adından qürurla təbrik edirik.
GADTB Siyasi Bölüm
2020-10-20
