Bazar ertəsi , İyun 17 2019
azfa

Güney Azərbaycan Demokratik Türk Birliyinin (GADTB) Yenigün bayramı münasibəti ilə Türk millətinə təbrik mesajı

GADTB: Dünyanın ən qədim xalqlarından olan türk milləti yer üzündə təbiətin oyanış bayramı olan Yenigün-yaz bayramını bəşəriyyətə töhfə etmişdir. Bu bayram türk insanının ilkin həyat tərzi, əkinçiliyi və təbiətin qışdan sonra yenidən oyanması ilə bağlı olmuşdur. Bu bayram əsas iki qitəyə yayılmış türklərin hamısında dinindən asılı olmayaraq keçirilir. Hətta prototürk xalqlar hesab edilən İkiçayarasında Savır və Şumerlərdə belə Yenigün bayramı keçirilmişdir.

“Divani Lüğət-it-türk”də də bu milli bayramımız “Yengigün” (Yenigün) kimi qeyd edilmiş və daha sonralar farscaya hərfi tərcümə edilərək Novruz şəklində türk imperatorluqlarının ərazisində işlədilmişdir. “Yenigün” sözü türk sultanlarının (Səlcuqlu Məlikşah) göstərişi ilə farscaya tərcümə edildiyi üçün bir çox bölgələrdə Novruzi Sultan və Sultan Novruzu şəklində işlədilmiş və hətta bir sıra türk ölkələrində bu gün bu şəkildə işlədilməkdədir. Böyük Səlcuqlu sultanı Məlikşahın təqvim islahatlarından sonra tərcümə forması xüsusilə yayılmışdır.

Üç qitənin min illər boyu hakimi olmuş türk milləti qanadları altına sığınmış bir sıra xalqlardan da bu gözəl ənənəsini əsirgəməmiş və onlar da Yenigün-yaz bayramını mənimsəyib qeyd edirlər.

Böyük türk millətinin qədim bayramı olan Yenigün-yaz bayramı bu gün də türk millətinin ortaq mirası kimi Türk dünyasını birləşdirir.

Güney Azərbaycan Demokratik Türk Birliyi (GADTB) Yenigün-yaz bayramı münasibəti ilə Güney və Quzey Azərbaycanda türk millətini, eləcə də Türk dünyasını təbrik edir, millətimizə mutluluq və aydın gələcək, Güney Azərbaycan da daxil olmaqla əsarətdə olan digər türklərə azadlıq və müstəqillik arzulayır.

Yenigün-yaz bayramınız mübarək!

Əjdər Tağızadə

Güney Azərbaycan Demokratik Türk Birliyi (GADTB) başqanı

Həmçinin yoxlayın

Rejimin Ərdəbildəki məhkəməsində Abbas Lisaninin 3-cü məhkəmə iclası keçirildi

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildə yerləşən İnqilab Məhkəməsinin 1-ci …

ABŞ irqçi fars rejimə qarşı müharibə variantını nəzərdən keçirir

GADTB-nin Mətbuat Mərkəzinə daxil olan məlumata görə, ABŞ Dövlət katibi Maykl Pompeo deyib ki, ABŞ …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir