Cümə axşamı , Avqust 13 2020
azfa

Güney Azərbaycanlı qadın avarçəkən idmançı ölkəni tərk edir

GADTB-nin Mətbuat Mərkəzinə daxil olan məlumata görə, Təbrizli qadın avarçəkən və irqçi fars rejimin milli avarçəkmə komandasının üzvü Pərəstu Məhnəmay Əqdəm bundan sonra fəaliyyətini Almaniyada davam etdirəcək.

Təbrizli idmançı İran Avarçəkmə Federasiyasının onu himayə etməməsi üzündən ölkəni tərk edib.

O bu barədə deyib: “Şərqi Azərbaycan avarçəkmə federasiyasında yaranan problemlər və xanım Şəqaqinin mənə qarşı məhkəmə şikayətindən sonra məni saxlamaq üçün dəfələrlə bizim evə gəlmişdilər. Mənim idman fəaliyyətlərimə qadağa qoyulmasından sonra mühacirət etməyə qərar verdim. Mənim mühacirət etmə xəbərim doğrudur bunu öz Instagram hesabımda da bildirmişəm.”

Əqdəm kanoe idman növündə Beynəlxalq Azərbaycan Respublikası kuboku müsabiqələrində 200 metr və 500 metr məsafə müsabiqələrində iki qızıl medal qazanmışdı. Çində təşkil edilən Sakit Okean Su Marafonu Dünya Kubokunda o, 42 idmançı arasında 7-ci olmuşdu.

Təbrizli atlet daha öncə İRNA xəbər agentliyi ilə müsahibədə İran milli kanoe komandasından ayrılma səbəbini izah edərkən avarçəkmə federasiyasının idmançılarla ədalətsiz rəftarına görə tənqid etmişdi.

Azərbaycanlı idmançıların ölkəni siyasi-iqtisadi səbəblər üzündən tərk etməsi anormal hal deyil.

Bu yaxınlarda cüdoçu Dünya Cüdo Çempionatında İran hakimiyyətinin İsraildən olan rəqibi ilə üzləşməsinə qoyduğu qadağa üzündən qəsdən digər idmançıya məğlub olan Səid Mollai Monqolustan vətəndaşlığı alaraq artıq bu ölkə adından yarışlarda iştirak edəcəyini bildirib.

Həmçinin yoxlayın

GADTB başqanı Əjdər Tağızadənin Türk komandanların Azərbaycana gəlişi ilə bağlı mesajı

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın …

Türkiyə “İldırım-5’’ әmәliyyatına start verdi

GADTB-nin Mətbuat Mərkəzinə daxil olan məlumata görə, Türkiyənin Tәhlükәsizlik qüvvәlәri Hatayın Amanoslar bölgәsindә separatçı terror …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir