Çərşənbə axşamı , Aprel 23 2019
azfa

H.Ruhaninin Urmiya gölünə baxış keçirməməsi Urmiya Gölü Bərpa Qərargahının proqramının uğur qazanmaması ilə bağlıdır

GADTB-nin Mətbuat Mərkəzinə daxil olan məlumata görə, Urmiyanın məclisdəki millət vəkili Nadir Qazipur H.Ruhaninin Urmiyaya gələrkən gölə baxış keçirməyəcəyinə münasibət bildirərkən deyib ki, H.Ruhaninin Urmiya gölünə baxış keçirməməsi Urmiya Gölü Bərpa Qərargahının proqramının uğur qazanmaması ilə bağlıdır.

Urmiyanın məclisdəki millət vəkili Nadir Qazipur deyib: “H.Ruhaninin səfəri zamanı Urmiya gölünə baxış keçirməməsi, gölün bərpası ilə bağlı aparılan işlərin məğlubiyyətə uğradığını göstərir. Buna səbəb göl haqda qərar verməli olan şəxslərin Urmiya Gölü Bərpa Mərkəzində yer almamasıdır. Gölün dirçəldilməsi üçün çalışan komanda artıq məğlub olub. Lakin Ruhani bunu etiraf etmək istəmir. Biz isə yaxşı dərk etmişik ki, bəziləri “məğlub olduq” sözünü işlədəcək qədər cəsarətli deyil”.

Nadir Qazipur Urmiya Gölü Bərpa Mərkəzini tənqid edərək deyib ki, bu qurumun fəaliyyət uğursuzdur. Mən onu Azərbaycanın Ölümü Mərkəzi adlandırmışam. Təəssüflə bəziləri paytaxtda möhtəşəm binalarda oturub gölün bərpası ilə bağlı qərar qəbul edir. Elə ona görə də qurumun fəaliyyəti məğlubiyyətə uğradı.

Qeyd edək işğalçı fars rejim Azərbaycanla düşmənçilik etdiyi üçün Urmiya gölünü qurudub. Azərbaycan türk millətinin etirazlarından sonra isə gölün bərpasına söz verməyə məcbur olsa da, öz vədinə əməl etmir.

 

Həmçinin yoxlayın

Rusiya İşğalçı Ermənistana modern qırıcılar yerləşdirir

GADTB-nin Mətbuat Mərkəzinə daxil olan məlumata görə, Rusiya Ermənistanın Erebuni aerodromundakı 3624 saylı aviasiya bazasına …

İrqçi fars rejim azərbaycanlı fəal Səhənd Məaliyə 10 aylıq həbs cəzasını təsdiqlədi

GADTB-nin Mətbuat Mərkəzinə daxil olan məlumata görə, İrqçi fars rejim azərbaycanlı milli-mədəni fəal Səhənd Məaliyə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir