İngiltәrә yardıma görə Türkiyәyә tәşәkkür etdi

GADTB-nin Mətbuat Mərkəzinə daxil olan məlumata görə, İngiltәrәnin Avropa mәsәlәlәri üzrә naziri Vendi Morton yeni növ koronavirusla mübarizә çәrçivәsindә ölkәsinә tibbi lәvazimat göndәrәn Türkiyәyә tәşәkkür edib.

Bu barәdә Vendi Morton şәxsi ‘‘Twitter’’ sәhifәsindә açıqlama verib.

Vendi Morton açıqlamasında bu ifadәlәrә yer verib: ‘‘Türkiyәnin xarici işlәr naziri Mövlud Çavuşoğlu vә sәhiyyә naziri Fәxrәddin Kocaya göndәrilәn tibbi lәvazimata görә tәşәkkür etmәk istәyirәm’’.

Tibbi yardımın 14 ton ağırlığında olduğunu ifadә edәn Morton bildirib ki, bu hәdiyә İngiltәrә ilә Türkiyә arasındakı dostluğun gücünü nümayiş etdirib.

Qeyd edәk ki, İngiltәrә vәtәndaşları da şәxsi internet sәhifәlәrindә Türkiyәyә tәşәkkür ediblәr.

Sean McGrinder adlı bir ‘‘Twitter’’ istifadәçisi 1845-ci ildә İrlandada yaşanan ‘‘Böyük qıtlıq’’ fәlakәti zamanında Osmanlı İmperiyasının irlandiyalılara yardım etdiyini vurğulayıb.

Xatırladaq ki, Türkiyә dünәn yeni növ koronavirusla mübarizә çәrçivәsindә İngiltәrәyә tibbi lәvazimat göndәrmişdi.

Türkiyә daha әvvәl bu çәrçivәdә İtaliya, İspaniya, Şimali Makedoniya, Monteneqro, Serbiya, Bosniya vә Herseqovina, Kosovoya və başqa ölkələrə tibbi lәvazimat göndәrmişdi.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın