Cümə axşamı , Oktyabr 29 2020
azfa

İrqçi fars rejim azərbaycanlı milli fəal Əlirza Fərşini Fəşafuye zindanının 2-ci bölməsinə köçürdü

GADTB-nin Mətbuat Mərkəzinə daxil olan məlumata görə, irqçi fars rejim ana dilində təhsil tələbi etdiyi üçün həbs etdiyi tanınmış azərbaycanlı fəal Əlirza Fərşini Fəşafuyə zindanının 2-ci bölməsinə köçürülüb.

Azərbaycanlı fəal yaxınları ilə qısa telefon əlaqəsində Fəşafuyə zindanının karantin böməsindən 2-ci bölməyə köçürüldüyünü bildirib.

Əlirza Fərşi sentyabrın 8-də qanunsuz olaraq rejimin ETTELAAT qüvvələri tərəfindən Tehranın Evin zindanından Fəşafuyə zindanına köçürülmüşdü.

Bu zindan məhbusların saxlanılması üçün standartlara uyğun deyil, eyni zamanda məhkumların işlədiyi cinayətə görə ayrı bölmələrdə saxlanılması prinsipinə əməl edilmir.

Rejimin məhkəmə məsullarının Fərşi ailəsinə verdiyi məlumata əsasən, Fərşinin yeni zindana köçürülməsi tamamilə  qanunsuz addımdır və Tehranın ETTELAAT İdarəsi bu işi həyata keçirib.

Əlirza Fərşinin Fəşafuyə zindanına köçürülməsinin daha əvvəl məhkəmə rəsmilərinə yazdığı etiraz məktublar ilə əlaqədar olduğu təxmin edilir. Fəşafuyə zindanının məsulları həmçinin azərbaycanlı milli fəalın İran məhkəmə sisteminin sədrinə ünvanladığı açıq məktubun göndərilməsinə də mane olmuşdular.

Qeyd edək ki, Əlirza Fərşi İran məhkəmə sisteminin sədrinə və Evin zindanı rəisinin məhkəmə işləri üzrə müavininə ünvanlandığı açıq məktublarda zindanın ağır və dözülməz şəraitinə etirazını bildirmişdi.

Azərbaycanlı fəal həmçinin həbs olunduğu zaman təhlükəsizlik qüvvələrinin onu qarşı güc tətbiq edərək kobud və təhqiredici ifadələrdən istifadə etmələrini açıqlamışdı.

Fəal iyulun 21-də Tehranda irqçi fars rejimin qüvvələri tərəfindən yaxalanaraq zindana salınmışdı. Buna səbəb isə onun 2014-cü ildə Beynəlxalq Ana Dili Günü mərasiminə qatıldığı üçün 2 il həbs və 2 il sürgünə məhkum edilməsi olub.

Həmçinin yoxlayın

Ermənistanın 3-cü ordu korpusunda üsyan başladı

GADTB-nin Mətbuat Mərkəzinə daxil olan məlumata görə, Ermənistanın 3-cü ordu korpusunun alaylarından birində qiyam baş …

Abdullah Səduqi və Əkbər Mühaciri vəsiqə qarşılığında zaminə buraxılıblar

GADTB-nin Mətbuat Mərkəzinə daxil olan məlumata görə, Ermənistanın Azərbaycana hərbi təcavüzünü pislədiyinə görə İranın yaxaladığı …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir