GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildə yerləşən İnqilab Məhkəməsi azərbaycanlı milli-mədəni fəal Yusif Karinin zaminə buraxılmasına mane olub.
Rejimin məhkəməsinin hakim Nonəhal azərbaycanlı fəalın sərbəst buraxılması üçün təyin etdiyi mülki vəsiqənin məbləğini dəfələrlə dəyişdiyi üçün Yusif Karinin ailəsi onun zaminə buraxılması üçün çətinliyə düşüblər.
Azərbaycanlı fəalın ailəsi son dəfə təyin olunan 50 milyon tümənlik mülki vəsiqəni hazırlayıblar. Lakin hakim onlara deyib ki, “Yusif Karinin zaminə buraxılması üçün təyin olunan vəsiqənin məbləği 300 milyon tümənədək artırılıb. Bu məbləğ həm də nağd pul kimi məhkəmə sisteminin bank hesabına yatırılmalıdır.”
Beləliklə, rejim azərbaycanlı fəal Yusif Karini zaminə buraxılmasına maneçilik törədib.
Qeyd edək ki, azərbaycanlı milli-mədəni fəal Yusif Kari semtyabrın 3-də Ərdəbildə irqçi fars rejimin təhlükəsizlik orqanları tərəfindən yaxalanmış və bir neçə gün saxlandıqdan sonra rejim tərəfindən şərlənərək, “Sistem əleyhinə təbliğat aparmaq”da ittiham olunub. Fəal daha sonra sentyabrın 8-də Ərdəbildə yerləşən rejimin zindanının müvəqqəti saxlanma təxridxanasına köçürülüb. Azərbaycanlı fəalın Babək qalası və Savalan dağı mərasimlərində bildir yaxalandığı və bir müddət sonra sərbəst buraxıldığı qeyd edilir.
