GADTB-nin Mətbuat Mərkəzinə daxil olan məlumata görə, Suriyadakı terrorçu kürd hərbi dəstələri Rusiyaya müraciət edərək Suriya hökumətiylə müqavilə imzalanmasına yardım etməsini istəyiblər.
Bu məlumatı “Vaşinqton Post” qəzeti özünün etibarlı mənbələrinə istinadən yayıb. Qəzet kürdlərin bunun sayəsində Türkiyə tərəfindən olacaq hücumun qarşısını almağa çalışdıqlarını bildirib.
“Vaşinqton Post”a açıqlama verən terrorçu kürd liderlərdən biri olan Saleh Müslim hələlik Moskvanın kürdlərin Suriya hökumətiylə barışdırılması üçün hansısa öhdəlik götürmədiyini deyib:
“Biz yol xəritəsini Rusiyaya vermişik, sadəcə cavab gözləyirik. Kürdlərin təklifi Suriya hökumətinə bütün ölkə ərazisində suverenliyini təmin etməsinə imkan yaradacaq. Amma bunun əvəzində bizə özünüidarəyə izn verilməlidir”.