Bazar ertəsi , İyul 13 2020
azfa

Qaradağda 3000 il əvvəlin qəbriləri araşdırılır

GADTB-nin Mətbuat Mərkəzinə daxil olan məlumata görə, Güney Azərbaycanın Qaradağ bölgəsində 3000 il əvvəlin qəbriləri araşdırılır.

Mədəni İrs və Turizm Tədqiqat Mərkəzinin ictimai əlaqələr şöbəsinin rəisi Nəsrin Qəhrəmani bununla bağlı deyib: “Şərqi Azərbaycanın Kəleybər şəhərinin cənub-qərbində yerləşən qəbirlərdə arxeoloji qazıntılar başlanıb. Tikilən su anbarının suyu altında qalma təhlükəsi ilə üzləşən qədim abidələrin xilası ilə bağlı keçirilən əməliyyatlar çərçivəsində aparılan qazıntılar həmin tədqiqat mərkəzi ilə Şərqi Azərbaycan Regional Su Şirkəti arasında müqavilə bağlanaraq başlanmalı idi. Lakin Su Şirkəti buna razılıq vermədi və abidənin yüksək tarixi əhəmiyyətə malik olması səbəbindən yerli əhlinin köməyi və tədqiqat mərkəzinin rəisinin icazəsi ilə qazıntılara başlanıldı. Qazıntılar Növcə kəndinin cənub hissəsində yerləşən “Şahlıq” və “Qara Daşlı” qəbiristanlarında həyata keçib. Tapıntılar 1000 il miladdan əvvəlki dövrdə cənazələrin yandırılma izinin olması ehtimalını da ortaya çıxardı. 20*18, 15*16 və 7*8 ölçülərində aparılan hər üç qazıntı bu fərziyyəni gücləndirir. Lakin götürülən küllər üzərində analizlər aparılmalıdır. Son nəticə məhz analizlərdən sonra məlum olacaq. Yunan tarixçisi Herodotun yazdığına görə “Saka”ların qəbiristanları ən dəyərli əmlak hesab ediblər. Dəfn mərasimi isə olduqca sirli və təntənəli olub. Qazıntıların birində cəsədləri doğranmış 4 uşaq həmin külün üst tərəfində müntəzəm formada quylanmışdır. Bunlarda ikisi qız uşağı olub, qalan iki uşağın qalıqları aradan getdiyi üçün cinsiyyətini müəyyən edə bilmədik. Qəbirdə qadına məxsus olan sancaqlar göstərir ki, cəsəd bir xanıma məxsus olub. Həmçinin, həmin ölüyə hədiyyə olunan və onunla dəfn olunan bəzi heyvanların qalığı da tapılıb”.

Həmçinin yoxlayın

Sayın Mikayıl Oyta Ermənistanın Azərbaycana yeni hərbi təcavüzü ilə bağlı Avstraliya XİN və BMT baş katibinə müraciət edib-Foto

GADTB-nin Mətbuat Mərkəzinə daxil olan məlumata görə, Avstraliya Azərbaycan Asosiyası Prezidenti və GADTB Beynəlxalq Əlaqələr …

Rejim irqçilik simvolu olan Firdovsinin heykəlinin götürülməsi xəbərini yayan azərbaycanlı jurnalisti həbs etdi

GADTB-nin Mətbuat Mərkəzinə daxil olan məlumata görə, irqçi fars rejimin terrorçu Sepahının təhlükəsizlik bölməsi irqçilik …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir