Şənbə , İyun 6 2020
azfa

Rejim Abbas Lisaniyə qayınatasının yas mərasiminə qatılmağa icazə vermədi

GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı milli fəal və siyasi məhbus Abbas Lisaniyə vəfat edən qayınatası Məhəmmədəli Məhəmmədəlizadənin yas mərasiminə qatılmağa icazə verməyib.

Molla rejimi azərbaycanlı fəallara qarşı hətta öz qanunvericiliyini də pozub və xüsusi qəddarlıq nümayiş etdirir. Belə ki, rejimin öz qanunverciliyinə görə hər bir məhkum yaxınlarının dəfnində iştirak haqqına malikdir.

Rejimin Cinayət Məcəlləsinin 520-ci maddəsinə görə, yaxın qohumların ağır xəstəliyi və ya ölüm hallarında məhbus prokurorun qərarı ilə maksimum 5 günə qədər məzuniyyətə göndərilə bilər. Lakin rejim Abbas Lisaninin bu haqqını da qəddarcasına tapdadı.

Molla rejiminin təhlükəsizlik qüvvələri həmçinin Abbas Lisaninin qaynı və digər ailə üzvlərini hədələyərək mərhumun evinin divarlarına asılan Azərbaycanın müxtəlif şəhərlərindən milli fəalların tərəfindən göndərilən türkcə başsağlığı plakatlarının qaldırılmasını istəyib. Lakin mərhumun ailəsi bu qanunsuz tələbi rədd edib.

Azərbaycanlı fəallar isə Abbas Lisaninin evi qarşısına toplaşaraq, onun həyat yoldaşı Ruqiyyə Məhəmmədəlizadə və mərhumun yaxınlarına başsağlığı veriblər.

Qeryd edək ki, azərbaycanlı milli fəal və siyasi məhbus Abbas Lisani rejim tərəfindən şərlənərək 15 il həbs və 2 il sürgünə məhkum edilib və hazırda Ərdəbildə həbsdə saxlanılır. Rejim koronavirusu zindanlarda yaydığı bir halda həmin azərbaycanlı fəalı da zaminə buraxmayıb.

Həmçinin yoxlayın

Türkiyənin dəstəklədiyi Liviya ordusu uğurla irəliləyir

GADTB-nin Mətbuat Mərkəzinə daxil olan məlumata görə, Türkiyənin dəstəklədiyi Liviyada hökumət qüvvələri Sirt şəhərinin qərbindəki …

Qorqud adının yayıldığı sahələr və yaşayan “Dədə Qorqud hekayələri”

Qorqud adının yayıldığı sahələr və yaşayan “Dədə Qorqud hekayələri” GADTB: Məhərrəm Ergin (1925-1995)  – Türkoloq …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir