GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin məhkəməsi Təbriz sakini olan azərbaycanlı milli-mədəni fəal Əyyub Şirini şərləyərək həbs və şallaq cəzasına məhkum etdi.
Rejimin Təbrizdə yerləşən Cinayət Məhkəməsinin 2-ci şöbəsinin çıxardığı qərara əsasən, fəal “ictimai asayişi pozmaq”da ittiham edilərək 12 ay həbs və 74 şallaq zərbəsinə məhkum edilib.
Məhkəmə azərbaycanlı fəal barəsində çıxarılan hökmün icrası bir illiyə təxirə salınıb. Bununla yanaşı koronavirus infeksiyasının yayılmasına görə, Əyyub Şiri Təbriz prokurorluğunun nəzarəti ilə yoxsul ailələrə və ağır xəstəliklərdən əziyyət çəkən şəxslərə 10 milyon tümən dəyərində dezinfeksiya və qoruyucu vasitələr almağa məhkum edilib.
Qeyd edək ki, azərbaycanlı fəal Əyyub Şiri 2019-cu ilin noyabr ayında benzinin bahalaşmasına qarşı keçirilən kütləvi etirazlar dövründə onlarla digər azərbaycanlı fəalla birlikdə yaxalanmışdır.
Fəal, bir müddət saxlandıqdan sonra mülki vəsiqə qarşılığında sərbəst buraxılmışdır.
