Çərşənbə axşamı , Noyabr 12 2019
azfa

Rejimin əlaltısı Şeirdust da Məqbərətüşşüərasının vəziyyətindən dəhşətə gəldi

GADTB-nin Mətbuat Mərkəzinə daxil olan məlumata görə, Güney Azərbaycan şairlərinin məqbərəsi hesab edilən Məqbərətüşşüəranın acınacaqlı vəziyyətdə olması irqçi fars rejimin əlaltılarından olan Əli Əsğər Şerdustu da dəhşətə gətirib.

O deyib ki, bu gözəllikdə bir tarixi abidəni elə viran qoyublar ki, sonunda nə baş verəcəyindən kimsə baş aça bilmir: “15 il bundan əvvəl ilə müqayisədə məqbərə daha baxımsız vəziyyətdədir. Məqbərətüşşüəra ilə bağlı məsuliyyət daşıyan müəyyən bir qurum yoxdur. Seyid Ziaəddin Səccadinin Sürxab Qəbiristanı haqda yazdığı 3 cildlik kitaba bir nəzər salsaq, onda məlum olar ki, bu abidə, əslində, Azərbaycanın şərəf və qurur duyduğu məkandır. Lakin indi belə utandırıcı duruma düşüb. Bundan əlavə, Şəhriyarın muzeyi də pis vəziyyətdədir. “İki Kamal” məqbərəsinə gəldikdə Taciklər buranı bizdən yaxşı tanıyırlar”.

Xaqani Şirvani, Əsədi Tusi, məşrutənin ən tanınmış şəhidi Siqqətülislam Təbrizi, Ustad Şəhriyar, eləcə də 400-dən çox tanınmış alim, şair və arifin əbədi məskəni olan Məqbərətüşşüəra kimi tanınan “Sürxab Qəbiristanı” indi elə bir vəziyyətə düşüb ki, burada abadlıq işləri aparan qurum özləri də nə etdiyini bilmir.

Xatırladaq ki, Şeirdust zaman-zaman ölkə üzrə radio şəbəkəsinin, “Soruş” nəşriyyatının rəisi, “Fars Dili Ədəbiyyatının İnkişafı Şurası”nın Katibi və İranın Tacikistandakı səfiri olub. Həmçinin, milli məclisin 6-cı dövründə millət vəkili seçildiyi üçün Ustan Şəhriyarın ölüm gününün İranda “Milli Şeir və Ədəb Günü” seçilməkdə böyük rolu olub.

Həmçinin yoxlayın

Ərəblər irqçi fars rejimin öldürdüyü bildirilən şairlərinə görə etiraz mitinqi keçirir- Video

GADTB-nin Mətbuat Mərkəzinə daxil olan məlumata görə, Ələhvaz bölgəsinin ərəbləri irqçi fars rejimin öldürdüyü bildirilən …

Aydın Mədətoğlu: Xəzər Türkləri Kas ( Kassi, Kassit) İmperatorluğu dövründə

GADTB: Türk İmperatorluqları içərisində Birinci Kas ( Xəzər ) və İkinci Xəzər İmperatorluqlarının xüsusi yeri …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir