Rejimin 3 il həbsdən sürgünə göndərdiyi azərbaycanlı fəalı yenə həbsə məhkum etdi

GADTB-nin Mətbuat Mərkəzinə daxil olan məlumata görə, irqçi fars rejimin 3 il həbsdə saxladığı və hazırda sürgündə göndərdiyi azərbaycanlı fəal Siyamək Mirzaini şərləyib daha bir il həbsə edib, 2 il isə xaricə çıxışına qadağa qoyub.

Rejimin Tehrandakı İnqilab Məhkəməsinin 26 saylı şöbəsi bu barədə qərar çıxarıb.

Rejimin əlaltısı hakim İman Əfşarinin sədrliyi ilə keçirilən məhkəmə iclasında hazırda Qain şəhərində sürgündə olan azərbaycanlı fəala qarşı “Sistemə qarşı təbliğat fəaliyyəti” ittihamı ilə 1 il həbs qərarı çıxarılıb. Qərara əsasən, onun ölkədən çıxışı, eləcə də siyasi və ya ictimai partiyalar və qruplara üzv olmasına 2 il qadağa qoyulub. Qərardan 20 gün müddətinə apeyasiya şikayəti vermək mümkündür.

Qeyd edək ki, Siyamək Mirzaiyə qarşı yeni ittihamlarla saxta cinayət işi açılması prosesi 5 ay bundan əvvəl, həbsxanadan çıxmasına 3 gün qalmış “Sepah”ın ETTELAAT İdarəsi tərəfindən başladılmışdı. Məqsəd fəalı daha uzun müddət həbsdə saxlamaq olub. Fəalın “Abbas Lisani ilə həbsxanadan telefon əlaqəsi saxlaması, Tehranın Baharıstan Rayonunun prokuroruna təhlükəsizlik orqanları əməkdaşlarının özbaşınalıqları barədə açıq məktub ünvanlaması, İranda yaşayan etniklərlə bağlı məqalələr dərc etməsi, ana dilində təhsili dəstəkləməsi, Amnesty İnternational, türk, fars və insan haqları saytlarının onu müdafiə etməsi” məsələləri bəhanə edilərək fəala qanunsuz şəkildə həbs qərarı çıxarılıb.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın