GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Savalan mərasimi ilə bağlı azərbaycanlı fəallara qarşı təzyiqi başlayıb.
Artıq bir neçə gün öncə rejimin təhlükəsizlik qüvvələri cümə axşamı günü, avqustun 1-də azərbaycanlı fəal Aydın Zakirni iş yerinə müraciət edərək onu yaxalamışlar.
Rejimin təhlükəsizlik qüvvələri məhkəmə hökmü təqdim etmədiyi üçün fəalı yaxalarkən onun və yaxınlarının müqaviməti ilə qarşılaşıblar və nəticədə qarşıdurma yaranıb. Məmurlar həmçinin onlara qarşı gözyaşardıcı qazdan istifadə etmişdilər.
Fəal avqust ayının 2-də rejimin Meşginşəhrdə yerləşən İnqilab Məhkəməsinə aparıldıqdan sonra qeyd-şərtsiz azad edilib. Növbətçi hakim fəalın gözlənilən Savalan dağı mərasimində mümkün iştirakı ilə bağlı yaxalandığını bildirib.
Rejimin Savalan dağı mərasimi ərəfəsində digər azərbaycanlı fəallara da hər hansı formada təzyiq göstərdiyi bildirilir.
