GADTB-nin Mətbuat Mərkəzinə daxil olan məlumata görə, təbrizli animasiya ustaları və sənətçilər Rəna Vaezi və Məhəmməd Zare Quzey Azərbaycanda keçirilməli olan Animafilm Beynəlxalq Animasiya Festivalının münsiflər heyətində iştirak edəcəklər.
Güney Azərbaycanda animasiya dərnəyinin üzvü olan həmin iki nəfər beynəlxalq festivalın ssenarilər üzrə beş nəfərlik münsiflər heyətinin tərkibində olacaqlar.
Festivalın oktyabrın 14-dən 18-dək Quzey Azərbaycanın Bakı və Şəki şəhərlərində Azərbaycan Mədəniyyət Nazirliyi, Şəki Şəhər İcra Hakimiyyəti, Azərbaycan Kinematoqrafçılar İttifaqı, Çex Respublikası və Fransanın Azərbaycandakı səfirlikləri, Azərbaycandakı Fransız İnstitutu, Nizami Kino Mərkəzinin dəstəyi ilə keçiriləcək.