Tanınmış azərbaycanlı alim dr.Sədiq Özbəkistanda Dostluq ordeni ilə təltif edilib

GADTB-nin Mətbuat Mərkəzinə daxil olan məlumata görə, tanınmış azərbaycanlı alim professor Hüseyn Məhəmmədzadə Sədiqi Özbəkistan prezidenti Şavkat Mirziyoyev ölkənin müstəqilliyinin 29-cu ildönümü ərəfəsində “Dostluq” ordeni ilə təltif edib.

Özbəkistanın Tehrandakı səfirliyinin internet səhifəsində bu barədə məlumat yayılıb.

Məlumata əsasən, Hüseyn Məhəmmədzadə Sədiq böyük türk şair və filosof Əlişir Nəvainin əsərlərinin tədqiqi və nəşrində göstərdiyi fəaliyyətinə görə təltif edilib.

Özbəkistan prezidenti həmçinin özbək ədəbiyyatının tərcüməçisi amerikalı Mark Edward Reese, Qahirə Universitetinin professoru arxeoloq Əhməd Rəcəb Məhəmməd Əli Rizq və Yaponiya Baş nazirinin müavini və Yaponiya-Özbəkistan parlamentlərarası dostluq qrupunun sədri Taro Asonun “Dostluq” ordeni ilə təltif edilmələri haqqında sərəncam imzalayıb.

Qeyd edək ki, Hüseyn Məhəmməzadə əməkli universitet müəllimi, “Təkderəxt” Nəşriyyat Evinin sahibi, eləcə də türk və fars dillərinin rəsmi tərcüməçisidir. Azərbaycanlı professor türk dili, ədəbiyyatı və tarixi haqda 200 cilddən çox kitabın müəllifidir.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın